?شیخالاسلام مولانا عبدالحمیدا گوستگیں جمعهیِ گپاں (14 آبان 1395) په نمازِ اهمیت و برزیں جاها مَں دینِ تها گپ کرت ؤ اِے باروا باز تاکید. واجهِ گپانی درچتگیں بهر شما را پیش کنگ بنت.
?نمازِ یکّے چه اسلامِ مهمّیں رکنان اِنت که پیگمبرا گوشتگ، اسلامِ ستون ؤ ڈیکی اِنت.نماز باز ٹوهیں عبادتے، بلے اپسوز اِنت که مسلماناں اِے بلاهیں رکنِ نیمگا دلگوش نکننت ؤ آئیا یک معمولی کارے زاننت. اِے شیطانِ حیله ؤ مکر اِنت که لوٹیت یک مهمیں کارے ارزشا جهل بیاریت. نماز چه هر عبادتے انسانا گیشتر په خدا نزّیک کنت.
?نماز مناجات ؤ راز ؤ نیاز گوں ربّ اِنت. نماز مومنانی معراج اِنت. پیگمبرا صلیاللهعلیهوسلم پنچیں نماز چه معراجِ سفرا گوں وت یارتنت.
?قرآن ؤ سُنّتا باز په نمازانی اول وهدِ وانگا تاکید کرتگ. یکے چه پنچیں نمازانی حکمتاں همشنت که بندگاں روچِ دراجیا گوں الله رابطه ببیت. هر نماز باید ٹیمِ سرا وانگ بیت، اگه عصر/دیگرِ نماز، مغرب/خفتنِ وهدا وانگ بیت، چوبی بندگا عصرِ وهدا گوں ربّا رابطه نبوتگ.
?دنیا تها هیچ چیزا اینچو ارزش نے که ما نماز وهدا وتی فکرا گوں آئیا مشغول کنیں، باید دنیایِ تمامیں کاراں نماز واستا ندر کنیں.
?پیگمبرا صلیاللهعلیهوسلم یک حدیثیا گوشتگ: اگه چه یکیا عصر/ دیگرِ نماز فوت ببیت، انچش اِنت که گوشیگا آئیِ تمامیں مردم ؤ مال تباه بوتگنت.
?نماز باید باید گوں دلِ حاضریا، گوں خشوع و خضوعا وانگ بیت. الله تعالی نمازِ وهدا تمامیں پردگانا چست کنت و بندگِ رابطه یک راست گوں وتی ربّا برقرار بیت.
?نماز انچیں عبادتے که اگه یک نادوراه و نادراهجاهِ تهتِ سرا وپتگ، هں باید نمازا بوانیت. هما مردم توانت نمازا تاخیر بدات ؤ دگه وهدے بوانیت که وتی سرا سرینت مکنت.
?اپسوزی گپے که لهتے وتا مسلمان زاننت ؤ بلے نماز نواننت گوں اِشی که حدیثا یهتگ کفر ؤ ایمانِ پرک ؤ دگری نماز اِنت. نمازا عمدا نوانگ انچو گران اِنت که لهتے فقها گوشتگ بےنمازی کفر اِنت ؤ بے نماز مسلمانانی قبرستانا کَلّ کنگ مبیت. لهتے دگه فقها یا گوشتگ که بےنماز کافری کارے بلے آ مردما کفر تها نبارت.
?نماز گناهانا معاف کنت ؤ درجهیانا برز بارت. نماز انسانا چه گناه ؤ معصیت ؤ بدیں کارا روکیت ؤ مناه کنت. نماز انسانِ مشکل ؤ مصیبتانا حلّ کنت. روایتانی تها یهتگ پیگمبر هر وهدے که گوں مشکلاں دیم په دیم بوت، نمازِ نیمگا دیمی کرت.
?مسلمان لوٹنت که مشکلش حل ببنت ؤ اسلامی ملک چه آپتاں نجات کننت، بلے بے قرآن ؤ سنتِ رندگیری و نمازِ وانگا چو بیت نکنت.
?نماز باید گوں جماعت وانگ بیت، صحابیانی زمانگا آئیا که نادوراه اَت ؤ نتوانتی مسجدا بروت، گوں دگه صحابیانی مدتا آئیا هما هالا که پادی زمینا کشّان اِتنت نمازا حاضر بیت ؤ جماعتی چه دستا ندات. په نمازا وت پابندی کنِت ؤ وتی زهگ ؤ سیاد ؤ مردماں هں دعوت دیت.
?سرچمگ: پایگاه اطلاعرسانی شیخالاسلام مولانا عبدالحمید
چمشانک