مروچی :جمعه, ۱۰ فروردین , ۱۴۰۳
مولانا عبدالحمید زاهدانءِ جمعهءِ نمازءِ دیوانا:

اسلام، جنگءِ دین نهنت

اسلام، جنگءِ دین نهنت

شیخ‌الاسلام مولانا عبدالحمیدا مَں اِے هپتگءِ جمعهءِ گپاں اسلامءِ دین رحمت و میانه‌رویءِ دین زانت و گوشتی: اسلام نه اِشی که په کسے بیمے نداریت، بلکیں انچیں دینے که سرتاسر رحمت اِنت و په وتی منّگا کسا په زور نکنت.
په سنی‌آنلاینءِ هالکاریا واجه مولانا عبدالحمیدا گوستگیں جمعهءِ نماز (23 مهر 1395) ئا گوں اِے آیت «یریدون لیطفئوا نورالله بأفواههم والله متم نوره و لو کره الکافرون» وانگا، گوشت: وهدے که قرآنءِ آیات و پیگمبرءِ‌ سیرت و دگه پیگمبرانی سیرتا وانیں، گندیں که حق هر وهدا باطلءِ اُرُشانی دیما آماچ بوتگ. ایمان و کفر، ‌حق و باطل، توحید و شرکءِ جنگ و درگیری هر وهدا بوتگ، پچے که اِے چه باطلءِ طبیعت و عادتان اِنت که حقّا چار ات نکنت.
واجه‌ئا دیما گوشت: اسلامءِ تاریخءِ دراجیا، چه یهود و نصارا ءِ نیمگا، پیگمبر صلی‌الله‌علیه‌وسلم و قرآن مجیدءِ سرا ظلم بوتگ. دژمن، اسلامءِ دینا په وت یک بیمے زاننت، بلے اسلام په کسے بیمے نداریت. اسلام سرتاسر رحمت اِنت. جنگءِ‌ دین نهنت. آ که اسلاما جنگءِ‌دین زاننت آیاں اِے دینا شر جاه نیارتگ. اسلام دنیایا جنگءِ بیم ندات. اِے دین بسّ یک چیزے لوٹیت و آ هں اِشنت که بِلّ اَنت حق په پهکاں روشن ببیت. اسلام په وتی منّگا هچکسا په زور نکنت. اِے دین په همایاں که ظلم و دست دراحی کننت، هبر گوش ندارنت و مردماں وتی نوکر کننت بیم و تهدیدے.
زاهدانءِ جمعهءِ‌پیشنمازا گوشت: رودراتک و رونندی زوراکاں که تروریسم جنگ ءِ جنڈی چست کرتگ، لوٹنت که گوں نظامی مرکزءِ جوڑکنگا اسلامی ملکانی سرا واجهی کننت تا که گوں وتی مرادانی دستا یارگا هر نیمگے که بتواننت اسلامی ملکاں هما نیمگا بکشّنت.
واجها گیش کرت: اسلامءِ دژمناں په اسلامی آگاهی و سار آیگءِ دیمگیریا جهد کننت. مَں رسانکدراں پیگمبرا و اسلامی شعائر و نشانیانی سرا حمله کننت. پیگمبر ءِ بدگوشگ و قرآن مجیدءِ سوچگ آیانی دلی دژمنی و کینگا پیش داریت.

شام و سوریا یا بے گناهیں مردمانی سرا بمب‌گواری مئی نیمگا چه محکوم اِنت

شیخ‌الاسلام مولانا عبدالحمیدا مَں دگه بهرے چه وتی گپاں زاهدانءِ جمعهءِ نمازجاها په حلب و یمنءِ نوکیں بمب گواریاں اشاره کرت و گوشتی: یمن ءِ پاتیا و پرسءِ دیوانءِ سرا بمب گواریا ما را سک آزار دات. بازیں مردمے کشگ بوتنت.
واجه‌ئا گوشت: کار هما جاها رستگ که بے وسیں مردم مَں مسیتّ‌ و پرسی دیواناں کشگ بنت. حلب دمان په دماں بمب گواری بیت و بےگناهیں مردماں کشگ و بےگواه کنگ بنت. شهرانی سرا بمب‌گواری و غیرنظامی مردمانا کشگ مَں شام و یمنا مئی نیمگا چه رد و محکوم اِنت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *