مولانا عبدالرحمن شهنوازی یکّے چه بلوچستانءِ ٹوهیں عالم و زانتکاراں شنبه 23 مرداد 1395 ئا نادراهیءِ سوبا ماں مشهدا دنیایی یَل دات و دیم په وتی ابدمانیں جاها رهادگ بوت.
په سنیآنلاینءِ هالکاریا، مولانا عبدالرحمن خاشءِ مخزنالعلومءِ استاد، رند چه دراجیں عمرے هزمت په اسلام و مسلماناں نادراهی سوبا مشهدءِ نادراهجاهیا وفات بوت.
مولانا شهنوازیا وتی بابرکتیں عمرا بازیں دینی و چاگردی هزمت و مهنتے په خاشءِ مردماں کرتگ. واجه رند چه رمضانا په نادراهیءِ علاجا مشهد شت و رند چه یک ماه نادراهیءِ دردانی سگگا بے اعتباریں دنیایی یل دات و دیم په آخرتا شت.
واجهءِ جنازهءِ نماز زی یکشنبه 24 مردادا ماں خاشا وانینگ بوت و همودا آرام گپت.
ایرانءِ اهلسنتءِ هالرسانی سایت «سنیآنلاین» اِے واجهءِ وفاتا په واجهءِ لوگی مردم، سیاد و شاگرداں و کل بلوچ راجا تسلیت گوشیت و چه پاکیں اللهءِ بارگاها په پُشپداں صبر و اوپار و په مرحوما رحمت و بکششا لوٹوک اِنت.
مروچی :چهارشنبه, ۵ اردیبهشت , ۱۴۰۳
چمشانک