محمد احمدی، اهلسنتَے زرنگیں ورنایے که ماں خرسان رضویا تربتجاما نشتگ، توانتگی تجربی گروها سال 95 ئَے کنکورا اولی درجه وتیگی بکنت.
په سنیآنلاینَے هالرسانی سایتَے هالکاریا، محمد احمدی که پیسرا تهرانَے صنعتی شریفَے شهدربرجاها برقَے رشتهیا درسی وانتگ، رندا چه وتی اِے رشتهیَے یل دیگا، سال 95 ئَے کنکورا بهری زرتگ و تجربی گروها اولی رتبهاِی کٹّتگ.
محمد احمدیا گوں رسانکدراں گوشتگ: اِے وهدی که کنکورَے نتیجه اعلام بوتگ، من وانگا بوتگاں منی ماتا په من زنگ جتگ و منی اول بیگی منا سهیگ کرتگ.
اِے زرنگیں ورنایا گوشتگ: من هں باز زحمت کشّتگ، بلے اِے کٹّ پاکیں اللهَے منت منی سرا بوتگ.
محمد احمدی سال 1373 ئا چه ماتا بوتگ و تربیت جامَے نندوک اِنت.
ایرانَے اهلسنتَے هالرسانی سایت سنیآنلاین، اِے مزنیں موفقیت و کٹّا په اِے ورنا و آئَے پت و مات و تمام اهلسنتا مبارکبات گوشیت و اِے ورنا و اهلسنتَے تمامیں دربروکانی موفقیت و سوبیں بیگا چه اللهَے بارگاها لوٹوک اِنت.
چمشانک