اوگانستانَے بلوچانی تپاکی و اتّحادَے دیوان زی چهارشنبه 4 اوت 2016 ها ماں زرنجَے شهرا برجم دارگ بوت.
په سنیآنلاینَے هالکاریا ماں اِے دیوانا بلوچانی کماش، عالم و عام مردما بهر زرتگ و اِے دیوانا اوگانستانَے بلوچانی گوستگیں افتخارات و هزمت یات کنگ بوتگنت و آیانی سرا پهر بندگ بوتگ.
اِے دیوانَے بهر زوروکاں بلوچ قومَے گیشتر تپاکی و همدلیا تاکید کرتگ و چه اوگانستانَے حکومتا په اِے بابتا که یک بلوچے هں ماں آئییَے وزیرانی کابینهیا نیست اِنت گلّه کرتگ.
ماں دیوانا نیمروزَے والی محمدسمیع هں حاضر بوتگ و گوں وتی گلییَے درشاں کنگا گوشتگی: من سکّ شاد و گَلاں که ماں اِے دیوانا بهروں زرتگ، من شمئے گلهیانا په ملکَے کارمستران رسیناں.
اِے دیوانَے گڈسرا مولوی صلاحالدین موحّدا گپ کرتگ و په اِے دابیں دیوانَے برجم دارگا سک تاکیدی کرتگ.
چمشانک