حمیدرضا گنگوزهی، خاشءِ “نوکجو”ءِ شهیدرحیمی دبستان و وانگ‌جاهءِ معلم، زی 15 فروردین 1395ءَ گوں سئے گونڈیں زانت‌دربر/دانش‌آموزءِ بچّینگءَ، دیوالءِ چیرءَ ترّ اِیت و شهیدیءِ شیرکن‌ایں شربتءَ اِیر کشّ‌اِت.
په سنی‌آنلاینءِ هالکاریءَ نقل چه مِلکی رسانکاں، اِے دلیریں بلوچ‌معلمءَ زیگ‌اِیں روچءَ وهدے که دیوال/دیوارءَ گندیت که نوک زانت‌دربر و دانش‌آموزانی سرءَ هُرجگ و چپی بیگ اِنت، دیمءَ روت تا گونڈیں زهگانءَ بکشّ‌اِیت که گوں آیانی کشّگءَ، وت ماں دیوالءِ چیرءَ ترّیت و شهید بیت.
علی اصغر فانی ایرانءِ آموزش‌وپرورشءِ وزیرءَ و همے پیم نخعی سیستان‌وبلوچستانءِ آموزش‌وپرورشءِ کارمستر و دگه بازیں کارمستر و واجهےءَ مرچی ماں وتی پیگاماں مرحومءِ دلیریں کار بُرز جتگ و وتی دلپدردی چه آئیءِ نمیراں بیگءَ جار جتگ.
خدامرزیءِ جنازهءِ نماز مرچی گوں عالم، معلم و بازیں مردمے مُچّیءَ ماں خاشءَ وانینگ بوتگ.
ماں اے واقعه و پیشامدءَ همے پیم واجه ﻋﺒﺪﺍﻟرئوف ﺷﻬﻨﻮﺍﺯﯼ، دگه یکے چه همے مدرسه/وانگ‌جاهءِ معلماں هں چه پادءِ نیمگءَ ٹپی بوتگ.
ایرانءِ اهل‌سنتءِ هال‌رسانی سایت، واجه حمیدرضاءِ رکستءَ په تمام بلوچ‌راج، خاصکار واجهءِ گِس و لوگی مردماں تسلیت گوشیت و چه پاکیں اللهءَ لوٹیت که مرحوم ءَ وتی سارتیں رحمتانی چیرءَ جاه دیات و پشپداں صبر و اوپار دیات. همے پیم الله تعالیءَ واجه شهنوازیءَ سلامتی و جاندراهی دیات. آمین/ انچوبات
مروچی :دوشنبه, ۱۶ مهر , ۱۴۰۳
چمشانک