دارالعلوم زاهدانءِ خراسانی زانتدربر و فارغالتحصیلاں پنجشنبه 5 فروردین (14 جمادیالثانی)ءَ دارالعلوم زاهدان یهت اَنت و گوں وتی استاد و واجهاں دیدار کرت.
په سنیآنلاینءِ هالکاریءَ اے گندونندءِ دیوان پنجشنبه سباه و بیگاهءَ برجم دارگ بوت. دارالعلوم زاهدانءِ زانتدربراں وتی ملکانی علمی و دینی هال واجهانی دیمءَ پیش کرت و دیمءَ واجهانی پنت و نصیحتاش گوش داشت اَنت.
په سنیآنلاینءِ هالکارءِ هالءَ اے دیوانءِ اولی بهرءَ واجه مولانا عبدالعزیز اسماعیلزهیءَ په دعوت وتبلیغءِ اهمیتءَ گپ جت.
اے واجهءَ عالمانی بهر زورگ ماں دعوت و تبلیغءَ ضروری زانت و گوشتی: شما پیغمبرصلیاللهعلیهوسلم ءِ وارث ا ِت. پیغمبر ءَ په مجاهده و کوشش دینءِ واستءَ باز تشویق کرتگ. واجهءَ انچیں شاگرد تربیت کرت که په هر جهد و تلاشءَ آماده اِتنت.
واجه مولانا مفتی محمد قاسم قاسمیءَ هں ماں اے دیوانءَ گپ جت و گوشتی: آ که ماں تاریخءِ دراجیءَ دردواریں کارے کرتگاِش ذمهواری و احساس مسئولیتاِش بوتگ.
واجهءَ گوں وتی شاگرداں گوشت: اِے امت هما وهدے نیک بیت که هما چاریں کار و عمل که اللهءَ پیغمبرءِ بعثت و دیم دیگءِ مقصد زانت اَنت آیانی سرا عمل بکنت.
واجهءَ دیمءَ گوشت: مئے چاگردءَ سک نیاز هست که انچیں مرد آئیءِ تهءَ به بیت که تاثیر ایر کن اَنت و فتنه و آپتانی دیمءَ بگر اَنت. مرچے چیں مردم که وتءَ مسئول بزان اَنت و وت اِش رسالتے به بیت کم اِنت. باید هنچیں مرد به بیت و گوں همے احساسءَ به مر اَنت. اگر فکر و رسالتءِ احساس مه بیت تهنا گپ و هبر اثر ایر نه کن اَنت. آ که ماں تاریخءِ دراجیءَ کارے کتگ اِش و پدے چه آیاں پشت کپتگ هما بوتگ اَنت که احساس مسئولیت و ذمهواری اِش بوتگ.
واجهءَ دیوانءِ نندوک په وتی علمی و عملی دیمرویءَ، دوری چه دنیاءِ تجملات، رابطه گوں صالح و نیکمرداں، دعا و زاری شور و مشورهءَ توار پر دات اَنت.
واجه مولانا عبدالحمیدءَ ماں اے دیوانءِ گڈی بهرءَ رند چه وتی شاگردانی وشآتکءَ گوں اشاره په اسلامی ملکانی مشکلاتءَ گوشتی مرچی مسلمان گوں بازیں مشکلاتءَ دیم په دیم اَنت. اے تمام په همشا اَنت که مرچی مسلمان په اسلامی حکمانی عمل کنگءَ دلگوش نه کن اَنت و گناهانی تهءَ گرپتار اَنت.
واجه مولانا عبدالحمیدءَ وتی شاگرد گوشت اَنت: وتی ملکاں اعتدال و میانهرویءِ کشکءَ بگر اِت. چه افراط و تفریط ترندوی و کم رویءَ پهریز کن اِت که گَٹ و بنبستءَ کپ اِت. وحدت، تپاکی و براتیءِ هیالداریءَ کن اِت. هر فرقه و گروهءَ که ترندروی کرتگ همایانی جندءِ ضررءَ تمام بوتگ.
دارالعلوم زاهدانءِ کارمسترءَ گوشت: ما ماں ایرانءِ سیاستءَ شریک ایں، بلے مذهبی مسائل گوں کسءَ ما تعامل (هوری) سازش نکناِیں. ما په تعامل واستءَ دست پچ کا نماز نوانیں و دگرانی پیشامامانی پشتءَ هں نماز نوانیں و ما را چه وتی شیعهاِیں براتاں هں اے دابیں انتظارے نیست اِنت. تعاملءَ هں باید حد و سیمسرے به بیت.
اے دیوانءِ گڈی بهر پنجشنبهءِ بیگاهءَ برجم دارگ بوت و واجه مولانا عبدالحمیدءَ وتی گڈی پنت ونصیحت په وتی شاگرداں پیش کت اَنت.
چمشانک