«ملک ممتاز قادری» چه “سلمان تاثیر”، پنجاپءِ پیشی فرماندار/گوَرنر ءِ محافظ و اسکرتاں زیگیں سباهءَ ماں راولپنڈیءَ پاهو و اعدام کنگ بوت.
پاکستانی رسانکاں هال یارتگ: «ممتاز قادری» دوشنبه 10 اسفندءَ ماں راولپنڈی”اڈیاله”ءَ اعدام کنگ بوت. پیش چه اعدامءَ گوں وتی لوگی مردماں دیداری کرتگ.
ممتاز قادریءِ برات «ملک عابد»ءَ اے هال تایید کرتگ. رند چه اعدامءَ جسدی په لوگی مردماں تهبیل دیگ بوتگ.
ممتاز قادری که سلمان تاثیرءِ محافظ و اسکرت بوتگ 4 ژانویه 2011 م / 14دی 1394 ءَ ماں اسلام آبادءَ سلمانءِ سرءَ رگباری بستگ و بیرانی گرتگ.
ممتاز قادریءَ وتی اے کار په اسلامی مقدسات و ارزشانی دیمپانیءَ زانتگ و گوشتگی: من پمشا سلمانتاثیر کشتگ که سلمان اسلامءِ بدواه و اهانت کنوکانی دیمپان بوتگ و آیانی پلامُرزی کرتگ.
قادری چه وتی کارءَ شومان نبوتگ و گوشتگی: من پیغمبر خاطرءَ سلمان بیراں کرتگ.
بازیں دینی و مذهبی گل و پاٹےءَ قادریءِ کارءَ برز جتگ و گوشتگاِش قادری نباید اعدام کنگ بیت.
رند چه قادریءِ اعدامءَ لهتے پاکستانءِ شهراں انچوش اسلام آبادءَ مردم مُچ بوتگ اَنت و وتی ناراحتی اِش درشاں کرتگ.
چمشانک