مروچی : 4 اسفند , 1394

گچیں‌کاریءِ رسم و داب

گچیں‌کاریءِ رسم و داب

اے روچاں ماں ایرانءَ مردم په دو گچیں‌کاری بزاں مجلس‌خبرگان و مجلس‌شورا‌اسلامیءِ گچیں‌کاری و انتخاباتءَ وتءَ تیار کنگ اَنت.
بلوچ راج هں چو اے دگه قوم و راجاں وتءَ په اے گچیں‌کاریءِ بهرزورگءَ تیار کنگ اِنت. گچیں‌کاریءِ اهمیت و ضرورت په هچکسءَ چیر نه اِنت. باید ما په وتی دیمی چنت سالءَ یک دو نفر گچیں بکنیں تا برو اَنت و مئے حق و حقوق و لوٹاںءَ چه ملکءِ کارمستر و رهشوناں بگر اَنت.

بلے په گچیں‌کاریءِ بهرزورگءَ باید اےچنت گپءَ دلگوش کن اِیں:

1.‌ چه کاندیدانی دوزواه و لوٹوکاں دزبندی اِنت که یکدگرءِ احترامءَ بدار اَنت. دگرانی با پشتءَ دروگ مه بند اَنت. دگرانءَ کم مجن اَنت. چو مه بیت که وتی وکیل و کاندیدءَ آسمانءَ بر اَنت و دگرانءَ زمینءَ جن اَنت.
2. دومی گپ همش اِنت که اے مئی و شمئی اوٹ/رأی امانتے بچار اِیں اِے امانتءَ همئیءَ بدئیں که پُجّتی بکنت. وتی رایءَ په دو کران بها مه کنیں. بچارایں کجائی گیشتر مئے گموار اِنت. کجایی گیشتر په مردماں دل‌سوچیت. همائیءَ گچیں بکنیں.
3. مردم کوشش بکن اَنت و کاندیدانی بارهءَ جست و پرس کن اَنت، اگه وت جاه‌اِش نیار اَنت گڑا گوں وتی عالم و زانتکاراں شور بکن اَنت، انچو وت سرا رای مدینت.
4. هر کاندید و وکیلءِ بهتریں سند آئیءِ گوستگیں کاروبار اَنت، بچاریں آئیءَ پیسری کار چے بیتگ اَنت، اگه مردم چه آئیءِ پیسری کاراں رازیگ نه اَنت، گڑا بزانیں که آ دردواریگے نه اِنت.
5. کاندید باید وتی گپانی هیالداریءَ بکن اَنت انچیں وعده مردماں مدینت که رندءَ پوره اِش کت نکن اَنت. اے په آیانی بدنامی بسّ اِنت.
6. کاندید و رای لوٹوک هں بزان اَنت، مُپتءَ اے وژنامی کٹگ نه اِنت. اگه واکی په مردماں کار کت کن اَنت، شر اِنت بوشت اَنت، بلے اگه زان اَنت ما را اے کارءِ توان نے و ما مردمانی حق و حقوقءَ گپت نکنیں، گڑا په شری کِر کن اَنت تا مُپتءَ وتءَ بدنام مکن اَنت. بِلّ اَنت که مردم دگه زرنگ‌ترینے گچیں‌ بکن اَنت.
7. بے شک اینچو وکیل و کاندید که هنو اوشتاتگ گچیں کنگ نه بیت. بهتر همش اِنت که اے واجهیں وکیل گوں وت به نند اَت و چه وتی درمیانءَ زرنگ‌تر و نیک‌ترینءَ در به چن اَنت، اے کار رای دیگءَ په مردماں آسان کنت.
8. گچیں‌کار/انتخاباتءِ برجم داروک باید جهد کن اَنت که گچیں‌کاریءَ په شری و امانت‌داری برجم دار اَنت، انچو که ماں گچیں‌کاریءَ هچ شک و بدگمانی یے پیش مئیت. آ جاگاه که گچیں‌کاری برجم دارگ بیت، چوشکه مسجداں آ جاهانی احترامءَ بدار اَنت. گوں کوش و بوٹاں ماں مسجداں مه پُتِر اَنت.


چمشانک

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *