مروچی : 6 دی , 1394

«سیرت و تپاکی»ءِ دیوان ماں زاهدانءِ مکّی مسجدءَ بَرجَم دارگ بوت+عکس

«سیرت و تپاکی»ءِ دیوان ماں زاهدانءِ مکّی مسجدءَ بَرجَم دارگ بوت+عکس

دیوانے «سیرت و تپاکی»ءِ نامءَ گوں ایران ملکءِ وزیر دکتر رحمانی فضلیءِ حاضریءَ جمعهءِ شپءَ 3 دی 1394 (12 ربیع الاول1437)ءَ ماں زاهدانءِ مکّی مسجد ءَ برجم دارگ بوت.

په ایرانءِ اهل‌سنتءِ هال‌رسانی سایت “سنی‌آنلاین”ءِ هالکاریءَ ماں مزنیں دیوانے که جمعهءِ شپءَ ماں مکی مسجد ءَ برجم دارگ بوت، بازیں مردم و مسئولے چوش‌که دکتر رحمانی فضلی ایرانءِ ملکی‌وزیر و مهندس علی‌اوسط هاشمی سیستان‌وبلوچستانءِ استاندار، حاضر اِت اَنت.
ماں اے دینی و تپاکی دیوانءَ رند چه قرآن مجید آیاتءِ تلاوتءَ واجه مولانا عبدالحمید، علی اوسط هاشمی و دکتر رحمانی فضلیءَ گپ جت.

واجه مولانا عبدالحمید: هما وهدی اَبَدی تپاکی دستءَ کئیت که مردماں په وتی دیمی دورءَ امیتے به بیت

زاهدانءِ جمعهءِ پیشمازءَ گوں منت‌واری چه مردم و مسئولاں که چه اے دیوان‌اش بهر زرتگت و مکی مسجدءَ حاضر بوتگ اِت اَنت گوشتی: تپاکی گوں پیغمبرءِ بیگءَ باز همگرنچ و همدپ اِنت. یکے چه پیغمبرءِ کاراں همے وحدت و تپاکی بوتگ. پیغمبرءَ په مردماں همدلی و دوستی آرتگ.
واجهءَ گوں خوشحالی چه سیرت و وحدتءِ تپاکیءِ برجم دارگءَ گوشتی:‌ پیغمبر صلی‌الله‌علیه‌وسلم، هما کس اِنت که قیامت روچءَ تمامیں بنی‌آدم و پیغمبراں آئیءِ بیرک/پرچمءِ چیرا جاه گر اَنت. پیغمیر صلی‌الله‌علیه‌وسلم، تمامیں انسانانی واجه اِنت. واجه آخری پیغمبر و په کل جهانیاں رحمتے. “مقام محمود” و “شفاعت کبری” ءِ واهند اِنت. ما پهر کنیں که په واجهءِ بیگءِ روچءِ مناسبتءَ ادا مچ بوتگ اِیں.
واجهءَ اسلامءِ دین تمامیں دینانی خلاصه زانت و پیغمبر صلی‌الله‌علیه‌وسلم، تمامیں انسانانی نیکیں صفتانی خلاصه زانت و قرآن مجیدی تمامیں کتابانی خلاصه زانت.
واجهءَ دیم گوشت: اپسوز اِنت مسلماناں گوں اشیءَ که اے دابیے رهشونے هستن اِش ، اپدا مرچی ماں تَنک و بُن‌بستءَ ڈیکّش وارتگ.
ایرانءِ اهل‌سنتءِ مزنیں عالم و زانتکارءَ ماں اے دیوانءَ که ایرانءِ کشورءِ وزیر هں نشتگ اَت گوشتی:‌ سیستان‌وبلوچستانءِ مردماں وتی ملک دوست بیت. اے ملکءِ مردم دینی و اسلامی حکومتءَ چه هر حکومتےءَ گچین کن اَنت. هرچنت که مردماں بازیں مشکلاتے هست، بلے هچبر اے مردماں خیانت نکتگ. هنو هں گراک/ مشتری باز اِنت بلے اے مردم هچ بر وتی ملکءَ بها نکن اَنت.
واجهءَ دیمءَ گوشت: سیستان‌وبلوچستانءِ مردم ترندرو نه اَنت. بلکیں گوں افراط وترندرویءَ مخالف اَنت. اے مردم نرم و معتدلیں مردم اَنت و تمامیں سیاسی پڑ و میداناں حاضر بوتگ اَنت. ماں ایرانءِ 8 سال جنگءَ گوں اشیءَ که ایرانءِ جنگ رونندی نیمگءَ بوتگ، بلں اپدا مئے مردم جنگ شتگ اَنت و چه ملکءَ دیمپانی/دفاع اِش کرتگ.
واجهءَ تفرقه و اختلاف یکے چه دژمنانی دیریگیں طرح و برنامه‌یاں زانت و گوشتی: ما پهکاں شر زانیں که اختلاف و تفرقهءَ بید چه بدبختی و بزگیءَ دگه هچ سوتے نیست. دژمناں په وتی مرادانی رسگءَ اختلاف و جتائیءِ راه‌اش گچین کتگ.
واجه مولانا عبدالحمیدءَ وتی گپانی گڈی بهرءَ تاکید کت: مسئول و دولتی مردانی توجه و هال‌چونی وحدت و تپاکیءِ کاریت. هما وهدی اَبَدی تپاکی دستءَ کئیت که مردماں په وتی دیمی دورءَ امیتے به بیت.

علی اوسط هاشمی: اهل‌سنت یک مزنیں فرصت و گنجے
اے دیوانءِ دومی بهرءَ علی اوسط هاشمی سیستان‌وبلوچستانءِ استاندارءَ گپ جت. اے واجهءَ گوں پیغمبرءِ اهانت و بدگوشگءِ ایر جنگءَ گوشتی: تمامیں جهانءِ مردم پیغمبرءِ وام‌دار اَنت. بلے مرچی مردم وامءِ ادا کنگءِ جاهءَ پیغمبرءَ بد وبیراه گوش اَنت. دژمن لوٹ اَنت که پیغمبرءَ ترندروی و افراطءِ تهمتءَ به جن اَنت. هما پیغمبر که انسانانی نجاتءِ سبب بوت.
هاشمیءَ گوشت: ‌اهل‌سنت په ما یک مزنیں فرصت و گنجے ما باید ایرانءِ تهءَ بهتریں رپتارءَ گوں آیاں بکن‌اِیں تا تمامیں جهانءِ مردم چه ما یاد بگر اَنت که چتو گوں اقلیت و کمّیں گروهاں رپتار بکن اَنت.

دکتر رحمانی فضلی: عدالت و انصاف لوٹ چه حکومتءَ حقیں لوٹے

ماں اے دیوانءِ گڈی بهرءَ دکتر رحمانی فضلی ایرانءِ وزیرءَ گوں منت‌واری چه اے دیوانءِ برجم دارگءَ گوشتی: دنیاءِ نوکیں جاور/حالات، گرانیں حالاتے. اے جاور/حالات ظالماں آرتگ تا که جهان اسلامءَ مشکلاتانی تهءَ دَور دینت. پرچا که چه قرآنءِ دیمرویءَ بیم‌اش هست.
وزیر کشورءَ تاکید کت و گوشتی:‌ عدالت و انصافءِ لوٹ چه حکومتءَ حقیں لوٹے. باید تمامیں جاهاں عدالت و انصاف برجم دارگ به بیت. خاصکار محرومیں ملکاں باید گیشتر کوشش به بیت. سیستان‌وبلوچستان په وتی توانایی و موقعیتءَ که هستنی توانت ما را ماں اقتصادی میدانءَ کمک بکنت
sirat-10

sirat-11

sirat-03

sirat-02

sirat-01

sirat-06

sirat-08

sirat-07

sirat-4

sirat-05

sirat-09


چمشانک

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *