هوا و موسم گرمی ماں کراچیا سک بُرز شتگ و بازیں مردمے چه موسمءِ گرمیا بیراں بوتگ اَنت. لهتے چه پاکستانءِ رسانکانی اهوالکاریا هزار و622 نفر تا مروچی بیراں بیتگ.
په سنی‌آن‌لاینءِ اهوالکاریا نقل چه ایرنا، انگلیسی”نیشن”ءِ روتاکا شنبه6 تیرماه94/27جون2015 ءَ نبشتگ: هرچند که چه دو روچ پیش، موسم گرمی ماں کراچیا کمتر بوتگ، بلے گوستگیں روچانی موسمءِ گرمی و آپ و برقءِ قطع بیگا بازیں مردمے نادراهجاها دیم داتگ و بازینے بیراں کتگ.
پیشی روچا 200 نفر چه بے نام و نشانیں بیراں بوتگیناں ماں هُوریں/دسته‌جمعی قبرانی تها قبر کنگ بوتگ اَنت. گیشتریں بیراں بوتگیں پیر و مزن‌عمر و بے ٹکانه‌اِیں مردم بوتگ اَنت.
پاکستانءِ مزن‌وزیر، نواز شریفا دستور داتگ که په تاوان دیتگیں مردمانی مددا خاصیں گلے تشکیل به بیت. بلے انگتا اے مزن‌شهرءِ مشکلات باز اَنت همے خاطرا بازیں سیاسی گروه و پاٹےءَ چه دولتا سک گله کت.
لهتے رسانکانی هالا گوں آپءِ قطع بیگا، آپءِ نهاد/ قیمتی سک برز شتگ.
گوستگیں روچاں کراچیءِ موسم په 45 درجه سانتیگراد گوں50 درجه رطوبت و نمبیا برز شتگ.
مروچی :چهارشنبه, ۱۴ آذر , ۱۴۰۳
چمشانک