مروچی :پنجشنبه, ۹ فروردین , ۱۴۰۳

یکے چه پاکستانءِ مزنیں عالمءُ زانتکاراں شهید کنگ بوت

یکے چه پاکستانءِ مزنیں عالمءُ زانتکاراں شهید کنگ بوت

زیگیں صباح(8آذر1393/ 29نوامبر2014)ءَ ماں سَکّرءِ شهرءَ یکے چه سندءِ دَمَگاں، لهتے ناشناسءَ واجه مولانا “خالد محمود سومرو”ءِ سرا تیر گواری کت ءُ شهیدإش کنائینت.

په سنی آنلاینءِ هالکاریءَ نقل چه پاکستانءِ رسانکاں واجه مولانا ڈاکٹرخالد محمود سومرو مرچی که صباحءِ نمازءِ پیشنماز أت، ماں سَکّرءِ شهرءِ حقانیهءِ دینی مدرسهءَ شهید کنگ بوت.
پاکستانءِ پلیسءِ هالءَ،  سَے سلاح بندیں شکس مسیتءَ مان بوتگ أنت ءُ واجهءِ سرإش تیرگواری کتگ. واجه مولانا محمود سومرو ماں نادراهجاه (بیمارستان)ءِ راهءَ رُکست بوتگ. واجه په “پیغام صلح”ءِ کنفرانسءِ بهر زورگ ءَ ماں سَکّرءَ آتکگ أت. پیسرءَ هں شش رندءَ واجهءِ سرا اُرش بوتگ بلے رَکّتگ.
 واجه ڈاکٹرسومروءَ ڈاکٹری تا (MBBS)ءَ ماں “لاڑکانه”ءَ ونتگ. ءُ دینی وانگی هں ماں بازیں دینی مدرسهءُ در برجاهےءَ ونتگ در برتگ.
إے واجه مزنیں سخنران ءُ “جمعیت علمای اسلام”ءِ خاصیں  باسک ءُ یکے چه سند ءِ ایالتءِ  مزنیں سیاست والایاں بوتگ. همے پیمءَ واجه لاڑکانهءِ دینی مدرسه “إشاعة القرآن والسنة” ءِ کارمستر بوتگ.
گوشگ بوتگ که واجهءِ جنازه مرچی ظهرءَ ماں همے دینی مدرسهءَ وانینگ بیت.
بازیں سیاسی پاٹءُ گلّے ءَ ءُ لهتےچه دولتی کارمستراں چوشکه نواز شریف، مزن وزیرءُ شهباز شریف، سندءِ ایالتءِ استاندارءَ واجه ڈاکٹر خالد محمودءِ شهید کنگ سک إیر جتگءُ محکوم کتگ. واجه مولانا فضل الرحمن، “حزب جماعت اسلام”ءِ کارمسترءَ هں لوٹتگ که واجه خالد محمودءِ کشوکاں باید زیت گرگ بنت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *