سُہب روچ دوشنبه 12 اسفندماه 1392 چه راه گشت سراوان ديم په خاش رہادگ ورندچه يك ساعت خاش رست وسربوت اِن چه مدرسه ديني مدينة العلوم خاشءِ واجهان گندُك وملاقاتي بوت واجه مولانا محمد عثمان قلندرزهي ودگه واجهان هت تنت گون جوڑي ءُ وشّ اهت و آپ وچاي گپ وگال بوت
الحمدلله واجهان جوڑوجان دُراه تنت ملاقات گون دلوشي وديمروشني بوت، وسرجمين واجهان وتي خوش حاليءَ در شان كرت خاش ايراني بلوچستاني كهن وقديمي ملك وشهرو نزيك كوه تفتان و سردين ملك ايت وقوم شهلي بر، كرد، براهوئي، ريگي، قلندرزهي، گمشاد زهي، كهرازهي … اِدان زندگي كننت چه درچك ودار بهترين زردالو، هنار، هنگور،سوپ، توتانت و گوَن وشك سك باز انت ومه تفتاني باغان هر وڑين ميوگ بيت خاش وسط[ميانجي] چار راه زاهدان، ميرجاوه ،سراوان وايرانشهر كپته، رند چه اي ديدار ديم په نوك آباد روانه بوتاِن رند چه نزيك يك ساعت نوك آباد رستاِن واجه رضا كه باز دوست واه بوتگ ات كه ما آئي ملك بيائين گڈا واجه رضا هاشم زهي هدّا شُت اِن واجه باز هوشنود بوت رند چه جوڑي وشّ اهت گون ميوگ وچاي ديوان زبرين رنگي گپت، چه مختلفين درو كرّ وگور گپ وگال بوت نوك آباد مان يك پراه وﭧوهين كوچگي هست تنت ادان گله، هنار تود كشگ بيت بلي آپ كم انت نوك آبادي مردم گيشترهاشمزهي انت ومان عصري وديني وانگ وزانگ ديماينت، نوك آبادي خيابان وروڈ زبرانت، ادان پس ورمگ هم هست، رند چه كمين نشست[نند وگند] وملاقات ، ديم په گوركوه رهادگ بوت ان پيش چه نماز پيشيم گوركوه رست وسر بوتان بازين واجه وعالم چه مختفلين جاگاهان يهتگتنت، رند چه نمازنان ورگ بوت چونكه ديوان بزات ومه يك لوگ وگس آهان جاه نئت گڈا سرجمين واجهان په پُلّين ديوان مسيتءَ شتان رند چه قرآن كريمي گلين آيتاني وانگ ديوان بنگيج كنگ بوت په واجه رحمت الله پنتان رندا شور وصلاح بوت په قوم وراجءِ چكاني تعليم وتربيت مه اي گلين ديوان نزيك 50 زانوك وانوك يهتگتنت چه گوركوه، كارواندر، گُنيچ گوركوه مزنين كماش ديواني پُّل تنت، چه اي واجهاني دلسوزي ودِريك ودَور اميت انت كه قوم بلوچ بجاهَي برسيت .
گوركوه مزنين وجوانين دشت وكوچگﮯ ايت، بازين ده وميتگ داريت اي ملكي كشار گله پسته انت، آپي هم په كشار زبرانت بلي باز جاگاه آپ شيرين و باز جاه سور ولهتي جاه ترپش و مُچين آپان په كشار وش انت، وگوركوه ءِ گيشترين قوم كبداني انت، وكبداني راج مه وانگ وزانگ ودين دوستي ديماينت، ديوان چه نماز ظهرتا نماز عصردراج كش بوت، رند چه نماز عصر پدا چه راه خاش گشت يهتاِن رند چه نماز عشا سراواني كهن وقديمي شهر گشت رست وسربوتان واجه مولانا محمد يوسف حسين پور په نمازجنازهاي سراوان رپت ما په عيادت وزيارت مولانا محمد دهقان شتان واجه په زوتي دلي بيماري سبب عمل [اپريشن]بوتگ ات، رند چه اي گندك يك وهد شپ سوران رستان.
گشت سراواني يك كوهن وقديمي ملك وميتگ ايت ادَي مردم باز ذهين وزانوك انت ، گشت بُن ءِمزنين كوهي هست و آپي كَهن وباز لهڑوگشتي كشار مچ ، گله ،زرت هنارو هنگور وادي گيشترين راج حسين برانت، وحسين بر په وانگ ونبيسگ ڈڈ وتيارين قوم ايت، وگشتي تها يك كهن وقديمي ديني وعلمي مدرسهاي پنام «عين العلوم» هستانت كه مه اي مدرسه چه هرجا طالبان په زانگ وانگي بابت يهتگ انت چه سراوان، سوران،نائوگ،جالق،كلگان، بمپشت، اسفندك، كوگ، مگس، سرباز،دشتياري، چابهار، زرآباد، بندرعبارس ، نيك شهر، ايرانشهر،خاش، تفتان ، ميرجاوه ،زاهدان زابل ، بيرجند، خاف، تايباد، تربت جام صالح آباد، سرخس، مشهد، گنبدكابوس، تركمن صحرا، تالش ودگه جاهان تُنْگان علم وزانگ وانگ روان ورُنبان بوتگ انت. شمئي
دوزواه: ملاواحدي
چمشانک