واجه مولوي ماں سال 1361 هجري شمسي 1982عيسائي مه سوران به دنيا اهت ومان سال 1385 هـ ش 2006 عـ چه ايرانءِ مزنين درسگاه دارالعلوم زاهدان مولوي بوت وسے چك : يك دهتر ودوبچك بنام مصعب وامير داريت.
واجه محمدي مان يك ديني وعلمي لوگ وگِسے مه دنيا اهت و چه كساني په وانگ وزانگ راه كپت ومه دوٹوهين علمي ديني بُنجاه مدرسه عين العلوم گُشت ودارالعلوم زاهدان شُت ومان وانگ وزانگءِ پٹ ولوٹ ، شوهاز وتلاش مرند بوت، وتي مولويءِ سندءَ چه دارالعلوم زاهدان پچ گِپت.
رندا په وتي ماتي وپتي مُلك سوران برتَرّ اِت وچه وتي مسجد كارءُ تعليمءَ بُنگيج وگون سرگرمي په چُكّاني وانگ وزانگ كمرِهمتي بست، پدان مه مسجد اصحاب ومسجد محمد رسول الله ومكتب دارالسلام سوران هم درسي دات.
گڈان گون سورانءِ عالم ودگه زانوگراني شورومشورت، همباسكي، همگامي وهمدلي په دِگه مسجداني هاترپه زهگاني قرآن ءِوانگ وزانگ برنامه وپروگرام گِرگ بوت واجه مولوي اسماعيل هن گون همے پارٹ وگروپ گون بوت وپه دلجمي په بلوچ قومءِ زهگان ءِوانگ وزانگ مه مسجدان زان بست ونِشت، بلے افسوسءِ گپ ايش انت واجه مه راه سوران وگشت گون راهي حادثهاَي وفات كرت.
وگپ چوش انت كه روچ يكشنبه رندچه ظهر 31/1/1393 (20اپريل 2014) مه راه سوران وگشت، 20 كيلومتر رند چه پليس راه سراوان خاش مان يك حادثهي جاده[روڈ] مه اللهءِ راهءَ گون الله ملاقات بوت، اِنّا لله وانا اليه راجعون.
واجهءِ مردو مقصد چه اِےسفر ايش اَت كه مان يك علمي ديوانے مه ديني مدرسه عين العلوم گشت بهر بزوريت ورندا چكانءَ په درمان زاهدان ببارت.
ماشين[ گاڑي] كموكے راستين گور وتارا كَشّيت ورندا چپين پهنادءَ چپّكا بيت واجه ءِ وآئيءِ لوگي درجاه وفات كننت وآهانءِ دوچك پنام صهيب وامير كموك ٹپي بينت واے وهدي جوڑوجان دُراه انت.
واجه وچكان زوت جم كنگ وسراوان راه ديگ بوتنت،همراه گون بازين دوست واحباب رند چه قانوني كاروبار پيش چه نماز مغرب هردوجنازه سوران سر كنگ بوت انت.
رند چه مولانا محمد عثمان قلندرزهي و مولانا حافظ محمد كريمءِ وعظ وپنتان ساهت 10 شپءَ نمازجنازهءَ واجه مولانا محمد يوسف حسين پور گُشتي وانينت.
باوجودے كه كفن ودفن جنازهان زوت ومان شپ بوت بلے مردمءِ جم جوڑي سك باز ات وهوا هن زبر نهت، تلفون هم په وشي كار نكرت، مه سرجمين شهر برق[بجلي] شُت ات، گروگ واستون جَنَگ ات، گوات ولوڑكشگ ات، هور ترونگل گوارگ ات بلے مردمءِ مُچي وميڑي گيشترءَ بوت ومردمءِ گيشي جمءِ بزي تني وهدي سورانءِ توكا بي مٹ وبي درورات.
عالم وزانت كار وكماش وكاواس چه سراوان، خاش، مگس ومهرستان ودگه جاهان يهتگ تنت.
مولانا وش اخلاق وآرام وخاموشين انساني ات بلے دلسوز ومزنين كاركن وزانوكي ات په قرآن كريمءِ شِنگ وتالان كنك، چك وزهگاني تعليم وتربيت وپه مركزعلوم قرآني سورانءِ ديما برگ شپ روچ مه كوشست و تلاش ات په چُكَاني مسابقه ومقابلهءَ هِشت وآهاني انعام وجائزهءَ دات.
په جوانان، عصري تعليم يافته يان، دولتي مدرسيان چكان مه وشين موه پُرسَت گهترين برنامه و پروگرام جوڑءَ كرت وآهانءَ په تفريح پكنيك به كوه وكوران، شيپ ودرگان، ودرياوتياب كرءَ برت وآياني وارينت وچارينت. مه سفران واجه وت پَچَگ وگرادگءِ كارءَ كرت ودگه كسيءَ موه وپُرسَت ندات،چكانءَ اول ورگ وچرگ دات اگن چيزے پشت بكپتين گڈان وتي وارت.
واجهءَگون قرآن كريم ومثنوي معنوي زبرين رابطه ،گون سلف صالين، امامان مجتهدين وعلما واستادان ارادت وعقدت بخصوص گون شيخ الاسلام مولانا عبدالحميد واجه مولانا محمد يوسف حسين پور واجه مفتي محمد قاسمي قاسمي واجه مولانا احمد نارئي هست ات.
گون تبليغي جماعتي دوستان و براتان باز نزيك ات.
آدم خاكي، متواضع بلے نترس ودلير، مردم دار ومهمان نواز ايت ، په قرآني تعليمي وتربيتي برنامه وپرگرامانءَ مان بلوچستان بازين سفري كرت.
مولوي اسماعيلءِ پِت واجه مولانا احمد محمدي چه سوراني مزنين راج وقوم ات واجه احمد وتي تمام زندءَ په عزت مه قرآنءِ درس وتعليم گوازينت.
واجه ءَ پنچ برات هست كه پهكان حافظ ياكه مولوي انت.
راست ودرستين گپ ايش انت كه مردان بسترے سرا كمءَ مرنت كوه وگيابان هنچوش كه امام حسين وآئيءِ ياران وحور وغلمان په آهاني وش اهتي تيار انت.واجهءِ روح شات وياد گرامي بات.
شمئي دوزواه: ملاواحدي
چمشانک