حضرت ابوہریرہ رضی اللہ عنہ روایت کنت کہ حضور صلی اللہ علیہ وسلمءِ فرمان انت کہ ہر مسلمانءِ پردگہ مسلمانءِ سرا حق ہست انت۔
۱۔ یک مسلمانے بیمار بیت تو دومی مسلمان آئی چارگءَ بروت و بیمار پرسی بکنت۔
۲۔ یک مسلمانے وفات بہ کنت تو آئی نماز جنازہءَ شریک بہ بیت۔
۳۔ یک مسلمانے اگر دومیءَ دعوت بدانت تو آئیءِ دعوتءَ قبول بہ کنت۔
۴۔ ہر مسلمانءَ ملاقات بہ کنت وڈ یک بہ دنت تو آئیءَ سلام بدانت۔
۵۔ ہر مسلمانے دومی مسلمانءِ خیر لوٹوک بہ بیت۔ غور و فکر کنگ لوٹیت کہ حضورصلی اللہ علیہ وسلمءَ اے حقانی بابتءَ فرماں داتگ و امتءَ را سر سوج کتگ بلے اے زمانگءَ گیشتر مردم وتی کار و بارا مشغول انت و ما اے حق درست فراموش کتگ انت۔ اگر ما را کمُّک وقت برسیت گڈا ما وتی ہما مردماں کہ زیات نزدیک انت و سیادی کنت، گوں ہمایاں گندکی کنیں۔ لیکن مئے نزدیکیں ہمساہگ کے مئے لوگانی کشاینت ما آیانءَ یک ساعتے نہ رویں و نہ چاریں کہ آیانی دل وش بہ بیت۔ مروشان اے سستی گوں ما باز انت۔ ما وتی حقءِ گرگءِ کوشش کنیں دوگرے حقءِ دیگے کوشش نہ کنیں۔ انچوک ہم نچارین کہ آئیءِ حق دیگ لوٹیت۔ حضورصلی اللہ علیہ وسلمءِ فرمان انت ہر مسلمانءِ پہ دگے مسلمانے سرا حق ہست انت۔ توری تئی سیاد و رشتہ دار بہ بیت تو آئی چارگءَ بروت و بیمار گندوکیءِ بکنت۔ کہ چہ حضورصلی اللہ علیہ وسلمءَ ما اشکرتگ اگر مسلمانے بیمار بہ بیت، آ مسلمانے چارگءَ بروت اگرن سہبءِ سر بہ بیت آ بروت داں مغربءَ ہفتاد ہزار ملائکہ پر آئی مغفرتءِ واسطہ دعا کن انت۔ اگن مغربءَ بروت داں سہبءَ آئی واسطہ دعائے مغفرت لوٹ انت۔ دومی اگر مسلمانے بیران بہ بیت، تو آئی نماز جنازہءَ شریک بہ بیت شرتر انت۔ اگن کسے سکراتءِ موتءَ بہ بیت بایدانت بروت چہ اللہ تعالیءَ دعا بلوٹیت دانکہ شیطان آئی ایمانءَ برباد مہ کنت و آئی راماں شرکءَ گرفتار مہ کنت۔ بلکہ آئرا کلمہ لاالہ الااللہ تلقین بکنت۔ تانکہ نادرہ کلمہءِ ترانءَ کپانءَ وانانءَ ماں جنتءَ بروت۔ اگن مسلمانے مسلمانے دعوتءَ بدئینت بلے ہما دعوتءَ قبول بہ کنت کہ آئی دعوت دیوک غیرشرعی کارانی کنوک مہ بیت۔ چوشیں دعوتءَ بروت پر چہ کہ مسلمانے دلءِ وش کنگ مزنیں فضیلتے داریت۔
مسلمانءِ سلام دیگ!
اگن مسلمانے ڈیک بدنت پجاہ بیاریت یا میاریت سلام بدانت حضرت عبداللہ بن عمر رضی اللہ عنہماءَ چہ حضورصلی اللہ علیہ وسلمءَ جست کت کہ اسلامءِ تہا شرتریں عمل کجام انت؟ تو حضور صلی اللہ علیہ وسلمءَ گشت کہ شرترین عمل غریبانءَ ورگ وارینگ و ہر کسءَ سلام دیگ انت مگر افسوز انت کہ اے زمانگءَ ہما کسءَ سلام دینت کہ آئی پجاہ کارنت حالانکہ سلام دیگ ہر کسی فرض انت توری آئی پجا کارئے یا نیارئے اے یک مزنیں بخیلی ایت کہ سلام دگ یک گونڈیں چیزیت۔ کہ ایشی مردم بخیلی بہ کنت انت حضرت ابوہریرہ رضی اللہ عنہ روایت کنت کہ حضور صلی اللہ علیہ وسلمءَ گوشتگ کہ عاجزترین مردم ہمانت کہ آ چہ اللہ تعالیءَ دعا نہ لوٹیت۔ و بخیل تریں مردم ہما کس انت کہ سلام دیگءَ بخیلی کنت۔ حضرت عمررضی اللہ عنہءِ فرمان انت خالصیں دوستی نشانی سئے چیز انت، اول ملاقات کنگءِ وہدءَ سلام دیگ دومی ہر کسءَ وتی نام ایر کتگ ہما نامءَ آئیءَ توار جنگ۔ ہر کسے پہ کسے دیوانءَ بروت تو ویوانءَ آئیءِ جاگہ دیگ و نندگ بہ بیت۔
مسلمانءِ دوز واہی
مسلمانءِ دوز واہی ہمیش انت کہ مسلمان، مسلمانءَ را شرین کارانی راہنمائیءَ بہ کنت کہ پر آئی دنیا و آخرتءَ کار بدئننت۔ اگن آدینی یا دنیائی کاراں واقف نہ انت تو آئی را سر سوج بہ کنت۔ اگن غلطی بکنت آئیءَ را معاف بکنت پہ شریں و نیکین کاران آئیءَ را نصیحت بکنت چہ سلّیں کاراں منع کنگءِ کوششءَ بہ کنت چہ وتءَ مستریں مردمان گوں عزت و احترامءَ پیش بئیت انت و چہ وت و کستریں مردماں گون شفقت دوستی بکنتیں۔ ہر چیز پروتءَ پسند کنت پہ دومیءَ پسند بہ کنت۔ دعا انت کہ اللہ تعالی چہ وتی فضل و کرمءَ نیکیءِ توفیقءَ بدانت۔
خدا مرزی واجہ ملک محمدعمر مسعودی
سرچمّگ: راستین راه
چمشانک