مروچی : 18 اسفند , 1392

شیخ الإسلام مولانا عبدالحمید، چه بهر زورگ ماں جهان اسلامءِ میانملکی کنفرانسءَ منع کنگ بوت

شیخ الإسلام مولانا عبدالحمید، چه بهر زورگ ماں جهان اسلامءِ میانملکی کنفرانسءَ منع کنگ بوت

شیخ الإسلام مولانا عبدالحمید، په لهتے مسایلءِ لحاظ کنگءَ نتوانتی که ماں جهان اسلامءِ میانملکی کنفرانسءَ که یکشنبه(11 اسفند)ءَ ماں مکهءَ برجم دارگ بوت،بهر بزوریت. إے کنفرانس هر سال چه “رابطة العالم الإسلامی” نیمگءَ برجم دارگ بیت وچه مولانا عبدالحمیدءَ په شرکتءَ رسما دعوت بوتگ أت بلے واجه چه بهر زورگءَ منع کنگ بوت.

رند چه سفر ءِ لغو بیگءَ واجهءَ ماں نامه إے په “عبدالله بن عبدالمحسن الترکی”، رابطة العالم الإسلامیءِ دبیر کلءَ چه وتی حاضر نبیگءَ پهلی لوٹت وپه إے کنفرانسءَ آرزوی موفقیتی کت.
مولانا عبدالحمیدءَ ماں وتی نامهءَ نوشت:«مرچی امت اسلامی گوں بازیں مشکلاتے دیم په دیم کپتگ، اختلاف وبدگمانیءَ اسلامی کشور مان پوشتگ انسانانی حق وکرامت چیرپادءَ کنگ بیت.»
ماں دگه بهرے چه واجهءِ نامهءَ یهتگ:« غربی وبین المللی واکاں هچ پیم آرامش وامنیت وآزادیءِ رندءَ نهنت، بلکیں آیاں پیسر چه هرچیزے وتی سیاسی واقتصادی منافعءِ پدءَ أنت و په جنگ ودرگیری ماں اسلامی ملکاں و رژیم صهیونیستیءِ امنیتءَ فکر کن أنت».
مولانا عبدالحمیدپه إے مشکلاتءِ حل کنگءَ نبشت:انگتءَ مسلماناں وتی عالم و زانتکارانءَ احترام کن أنت وآیانی خبرءَ دگر نکن أنت، گڑا منی هیالءَ تنها إے مشکلاتءِ گیشینگءِ راه إش إنت که یک هیئت وپاٹے چه عالم، زانتکار،کار بلد وشهزانتاں جوڑ کنگ بیت و په گپ وتران و مذاکرهءَ په اسلامی ملکاں دیم دیگ ببنت تا که آیانءَ په مذاکره تیار بکن أنت، تا چه إے طریقهءَ لهتے تفکر وهیالانی تها اعتدال و نرمی بیئیت ومشکلاں حل ببنت» آخر سرءَ واجهءَ چه وتی حاضر نبیگءَ عذر لوٹتگ وچه الله تعالیءَ إی لوٹتگ که إے کنفرانسءَ په اسلامی ملکانءِ مشکلاتءِ حل کنگءَ موفق وسوبیں بکنات.

 

 

 


چمشانک

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *