مروچی :جمعه, ۱۰ فروردین , ۱۴۰۳

دارالعلوم مكيءِ زاهدان

دارالعلوم مكيءِ زاهدان

واجه مولانا عبدالعزیز رحمة اللهءَ  ماں سال  1349 هـ مدرسه ديني دارالعلومءُ مسجد مكي ءَ بنگيج كرتءُ اے دوئينان په مولانا  دو مزنيں يادگارءُ صدقه جاري أنتءُ واجهءِ اخلاصءِ نهال باز په ثمر رس إتءُ بازیں مردمے شپءُ روچ چه  اے دینیءُ علمی چمگاں سوب گرأنت.
الحمد لله دارالعلوم زاهدان یکے چه دنیاءِ مزنتریں علمیءُ زانتکاری جاگاهان إنت، طالب علمءُ زانتءِ لوٹوک چه دورءُ نزیک اے دینی وعلمی مرکزءَ کاینتءُ چه مزنیں استاداں جُوانیں کٹءُ سوب گرأنت. هنو مدرسه زیرنظر واجه شیخ الاسلام مولانا عبدالحمید اداره ءُترّینگءَ بیت، مولانا چه هما اولءَ مولانا عبدالعزیز رحمة الله ءِ باسک ءُ دست راست بوتگءُ آئی ءِ بهتریں نائب قرار گپتگ. همے پیمءَ رند چه مولانا عبدالعزیز واجه شیخ الاسلام مسجد مکی، بلوچستانءِ مزنتریں مسجدءِ امام جمعه انت، واجهءِ جمعهءِ گپءُ پنت په مردمءِ رهشونی باز اثر دارأنتءُ دنیا چه واجهءِ وعظءُ نصحیتاں استفاده کنگ انت، الله تعالی واجه، مسجدءُ مدرسهءَ نگهداری بکنتءُ گیشتر رونقءُ دیمروی بدأنت.
واجه شیخ الاسلامءَ الله تعالی په مدرسهءِ ترقیءُ پیشرفت زَبریں کمککار داتگ که آ گوں واجه همگامءُ همفکرانت، چه آهاں زیب دنت که مولانا احمد ناروئی، مولانا مفتی محمد قاسم قاسمیءُ واجه مولانا عبدالغنی بدری که اے واجهاں بید چه درسءُ تعلیم ماں دگه اداری، تعلیمیءُ تربیتی کاراں بهرگرأنتءُ شپءُ روچ، وهدءُ بے وهد په مدرسهءِ بهبودیءَ ماں تلاشءُ کوشستءَ أنت؛ بلوچ گوشنت: په یک دست چاپ نبیت.
مولانا جلال الدین رومی گوشیت: همدلی از همزبانی بهتراست.
الحمد لله مدرسهءِ شعبهءُ قسمتاں بازأنت، لهتے چه آهان‌ءَ نام گرإيں.

دارالافتاء دارالعلوم زاهدان
مزنین مفتی صاحبانں، مردمانءِ دینی جستاں پسَّه دینتءُ راجی جیڑهانءَ حل کن أنت، همک روچ بازیں جست، پسه دیگ بیت. واجه مولانا مفتی محمد قاسم قاسمی، واجه مولانا مفتی عبدالحلیم قاضیءُ مولانا مفتی عبدالقادر عارفی اے بابتءَ شپءُ روچ ماں تگءُ تاچ انتءُ په بلوچ راجءَ مزنیں خدمتے کنگءَأنت الله آهانءَ چی وتی مزنیں گنجان ماں دنیاءُآخرتءَ بدأنت. 

نداي اسلام
دارالعلومءِ مجله، نداي اسلام گون وتي تحقيقي نبشتانكاں چه ايرانءِ و شترين مجله يان انتءُ بازيں مردمے ماں ايرانءُ ڈني ملكاں چه آئيءَ، علمی کٹءُ سوب گرگءَ انت.
دارالعلوم زاهدانءِ إے سئے ماهی (فصلتاک) سالے چاررندءَ په فارسی زبانءَ چاپءُ شنگ بیت.

دوهپتگی حالتاک، نگاه
اے یک کسانیں دوهپتگی حالتاکے که ملکیءُ درملکی اخبار هِلّ ایت وآئیءِ شونکار واجه یعقوب شه بخش انت، که ماں خبرنگاریءَ خوبیں مهارتے داریت.
واجه شپءُ روچ کوشست کنت تا اے خبری حالتاک ءَ دیما ببارت، بلے شه شوهاز ءُ کوشستءَ کسانیں مزن بنت ءُچه سستیءُتنبلی بُرزيں جهل بنت.

عربی مجله، الصحوة الإسلامیة
إے هں عربی ماهتاکے که چه دارالعلوم زاهدانءَ شنگءُتالان بیت، ماں اے ماهتاکءَ واجهانی عربی نُبشتانک نُبیسگ بنتءُ ماں سایتانی تهاشنگ بنت.

بلوچی مجله، اسلامءِ توار
دارالعلوم ءِ زاهدانءِ طالباں په بلوچی زبانءِ سکّگءُیادگرگءَ ماں سال 1431ءَ یک بلوچی مجله إے په نام “اسلامءِ توار” بنگیج کت که تاهنو(سال1434) چار نمبر چه إے مجلهءَ شنگ بوتگ، إے بلوچی مجله إے چه “انجمن طلاب مکران” نیمگءَ شنگ بیت.
إے مجلهءِ تمامیں نبشتانک ماں إے وبلاگءَ شنگ بنت:
www.islamtawar.mihanblog.com

دارالعلومءِ وب سایت:
“سنی آنلاین” اهلسنتءِ ایرانءِ حال رسانی وبسایت إنت. چاروکاں تون أنت إے سایت په پنچ زبان، عربی، بلوچی ، فارسی ، ، اردو ءُ انگریزیءَ بچار أنت. نبشتانک داریت.
إے سایت که چند سال پیسر وتی کاری بنگیج کتگ، په ملکءُ درملکی مردمانی واستا باز کوشستءُ جهد کرتگ.بازینیے چه واجهءُزانتکاراں ماں إےسایتءَ په مردمانی خدمت ءَ لانکءَ بستگ ءُ همک وهدءَ تیار انت که چه آیاں واجه عبدالحکیم عثمانی،مولانا یوسف ءُ واجه مرجانی اے بابتءَ باز فکرمند انت وهد ءُبے وهد شوهاز کن أنت، تا چه دنیائے حالاں سهی ببنت ءُ دِگرانءَ سهی بکن أنت واجه شیخ الاسلام مولانا  عبدالحمیءِ  همک جمعهءِ وعظاں ءُ گپاں چه إے سایتءَ شنگ ءُتالان بنت.
سایتءِ نشانی:www.sunnionline.us

دانشجویانی وابجاه
دارالعلوم ءِزاهدان، همُک سال په دانشجویاں خوابگاه آماده ءُتیار كنت، تاكه مئی بلوچ راج په آسودگي په دنيائي ترقي ءُپيشرفتءَ برسيت، پچے كه هچ سانا ءُ هُژيارے دنيائي ترقيءِ مانع نهنت.

دارالعلومءِ مرکزی کتابجاه (کتابخانه)
دارالعلومءِ کتابجاه گوں هزاراں جلد كتاب یکے چه ملکءِ ٹوهترینءُ بهتریں کتابجاهان إنت . بازینے چه طالب ءُ عالم ءُ دگه ڈنّی قلمکاراں ماں إےکتا بجاه ءَ په وانگءُ نبیسگءَ مشغول أنت.
آخری گپ إشنت که إے پهکیں خدمتاں مولانا عبدالعزیز –رحمه الله-ءِ  بنگیج کتگیں کار أنت که الله تعالیءَ آئی ءِ روحءَ شاد کنات.

 

 

 


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *