مروچی : 10 دی , 1392

گرانیں حکمءِ صادر بوگ په مولانا نقشبندیءُ آئیءِ همراهاں

گرانیں حکمءِ صادر بوگ په مولانا نقشبندیءُ آئیءِ همراهاں

زاهدانءِ انقلابءِ آمیدگس ءَ مولانا فتحی محمد نقشبندی، راسکءِ اهلسنتءِجمعهءِ پیشنماز، مولوی عبدالغفار نقشبندی، واجهءِ چکءُ چار دگه نفر چه آئیءِ همراهانی حکم صادر کت.

په “سنی آنلاین” ءِ حالکاری نقل چه “کمپن فعالین بلوچ”ءَ، مولانا نقشبندیءُ لهتےآئیءِ همراهانی حکم په إے اتهامءَ که آیاں ماں مولوی مصطفی جنگی زهیءِ کشگءَ دست داشتگ، صادر بوتگءُ ماں زاهدانءِ بندی جاه ءَ په آیاں سر کنگ بوت.
ماں إے گزارشءَ آتکگ که آمیدگسءِ حکمانی پدءَ، “مولانا فتحی محمد نقشبندی” په15 سال بند بوگءُ تبعید په “خلخال”، مولوی عبدالغفار نقشبندی په 13 سال بند بوگءُ  تبعید په نامعلومیں جاگاهے، ءُ نظام الدین ملازاده ، ملک محمد آبادیان ، جوادءُ جابرآبادیان هں په پاهو دیگ ءَ محکوم بوتنت.
فقیر محمد رئیسیءُ گل محمد بلیده ای ءِ حکم انگتءَ جار جنگ نبوتگ.
مولانا فتحی محمد نقشبندیءَ آمیدگس ءِ داتگیں حکماں په آئیءُ آئیءِ همراهاں رد کتگءُ آیانی بے دلیل زانتگ.
دلگوش کرزیں گپ إشنت که مولوی نقشبندی گوں وتی چکءُ دگه5نفر، نزیک په 20ماهءَ پیسر، په مولوی مصطفی جنگی زهیءِ کشگءِ خاطرءَ دزگیر بوتگ أنتءُ تاهنو ماں بندی جاه أنت؛ إشی اتهامے که مولانا نقشبندیءَ سک رد کتگ.

 

 

 


چمشانک

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *