مروچی :پنجشنبه, ۹ فروردین , ۱۴۰۳

مولانا گرگیجءِ تاکید په کارءُ بارءِ اڈکنگ ماں استانانی تها ءُ ملکی واکاں په کارزورگ

مولانا گرگیجءِ تاکید په کارءُ بارءِ اڈکنگ ماں استانانی تها ءُ ملکی واکاں په کارزورگ

واجه محمدحسن گرگیج ءَ چه ملکءِ بیکارانی گیش بیگءَ سک گله کتءُ گوشتی: بایدإنت په ملکءِ مردمانی کارءُ بارءِ واستا فکرے زیرگ ببیت.

په سنی آنلاینءِ حالکاریءَ آزاد شهرءِ جمعهءِ پیشنماز ماں وتی جمعهءِ وعظانی آخرءَ پرمائینت: إے روچاں  بے کاریءَ جامعه مان پوشتگ ءُ بازینے چه جواناں بیکارءُ دندا أنت.
دارالعلوم فاروقیهءِ گالیکشءِ کارمسترءَ پرمائینت: بازینے چه مئے ورنایاں په کارءِ درگیجگءَ په دگه شهرءُ استانان روأنتءُ چه وتی لوگءُ مرماں دور بنت که إے جوانانی درپه دری سبب بیتگ که بازیں اختلاف، فسادءُ سل کاری پیش بییتءُ ما وت دیتگ که بازیں خانواده إے چه وت سستگءُ جدا بیتگ أنت. همے واستا ما چه ذمه دارءُ کارداراں لوٹ إیں که مئے ورنایانی کارءُ بارءَ فکرے بزور أنت تا که مئے جوان وتی ملکءَ په کارءَ گلائیش ببنت.
آزادشهرءِ جمعهءِ پیش نمازءَ گوشت: کارءِ اڈ کنگءُ ملکءِ واکاں کارگرگ په استانءِ وتواکیءَ لازم إنت.
 واجهءَ گوں ذمه دارانی خطاب کنگءَ گوشت: اگه شما لوٹ إت که استان وتواک ببیت گڑا باید په کارءِ أڈ کنگءَ کوشش بکن إتءُ ملکءِ جواناں کارءِ سرءَ بیارإت.
واجه مولانا گرگیجءَ چه ملکءِ واکانی کار نگرگءَ سک گله کتءُ گوشتی: اپسوزإنت که مروچی ما گندیں بازینے چه مئے کاربلدیں واکاں که لیسانسءُ فوق لیسانسءِ مدرک إش هست، بلے بیکار أنت ءُ کارگرگ نبنتءُ مجبور أنت کارءِ درگیجگءَ درانڈیه ببنت.
گڑا بایدإنت مئے کاربلدیں واکاں ماں وتی ملکءِ  تها په کار زورگ ببنت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *