مروچی : 26 آذر , 1392

میر گل خان نصیرءِ مزن داشتی دیوان ماں کابلءَ برجم دارگ بوت

میر گل خان نصیرءِ مزن داشتی دیوان ماں کابلءَ برجم دارگ بوت

حامد کرزای افغانستانءِ راج مستر گوشیت میرگل خان نصیر بلوچ؛ مردم دار، تاکار، سیاست والاءُ مزنیں تاریخ زانتیں شاعرے أت.

په سنی آنلاینءِ گزارشءَ چه باختر نیوزءَ: مزن شاعر، قلمکارءُ تاکار میر گل خان نصیرءِ مزن داشتی دیوان ماں کابل افغانستانءِ مزن شهرءَ گوں افغانستانءِ وزارت سرحداتءِ همکوپگیءَ برجم دارگ بوت.
إے علمیءُ تحقیقی دیوان که په شاعر، قلم کارءُ تاریخ زانت خدامرزی میرگل خان نصیرءِ سی امی سالگرد وفاتءَ  گوں زلمی هیوادمل  افغانستانءِ راج مسترءِ ربیدگی(فرهنگی)مشاور ، عبدالکریم  براهوی قومءُ قبیله یانی مشاور، محمد یعقوب احمدزی، ڈاکٹر سید احمد چه وزارت سرحداتءِ مددکاراںءُ لهتے دگه چه افغانستانءِ پارلمانءِ باسکاںءُ «سرحدءِ علومءِ شعراءُ نبیسوکانی آکادمی»ءِ زانوگراں دارگ بوت.
اول سرءَ ڈاکٹر سید احمدحقبین وزارت سرحداتءِ مالیءُ اداری مددکارءَ إے وزارتءِ مقصداں چه إے دابیں  دیوانءِ گرگءَ بیان کت أنتءُ گوشتی: میر گل خان نصیر ءَ بیست سال چه وتی مبارکیں عمرءَ په آجوئیءُ آزاتی خاطرءَ ءُ ظلمءِ دیم گرگءَ ماں زندانءُ بندجاهءَ گوازینت.
رندءَ عبدالغفور لیوال«مرکز تحقیقات منطقه ای آکادمی علوم» ءِ سرمسترءَ افغانستانءِ راج مستر حامد کرزای پیغام گه په إے دیوانءَ دیم دیگ بوتگ أت وانت ؛ ماں إے پیغام آتکگ أت: میر گل خان نصیر مردم دار، تاکار، سیاست والاءُ مزنیں تاریخ زانتیں شاعرے أت.
ماں دگه بهرے چه إے دیوانءَ آکادمی علوم، شورای سراسری انسجام بلوچ، انجمن قلم افغانستانءُ بلوچستانءِ وزیراعلیءِ پیغاماں جدا جدا وانگ بوت أنت.
دیمءَ ستار پردلی، ڈاکٹر حیدر لاشاری،  خدا نظر سرمچار، پروفسور نائله قادری، حسن جانانءُ گل محمد بلوچءَ وتی نبشتانک، میر گل خان نصیرءِ شعرانءُ آئیءِ مردم والایی فکرانی بارهءَ پیش کت أنت.
آخری بهرءَ إے دیوانءِ کارءُ فعالیت گوں سلیمان لایق یکے چه  آکادمی علومءِ باسکاں ارزیابی بیتءُ دیوان گوں إے بیانیه تمام بوت.
مانوں ممانوں ماں جهانءَ مانیت خــبر مــئی
                                          گـــرمائینیت دلءِ هوناں ورنائیں اثر مـئی
چوں چونیں جگرسندیں عذاباں چه ماگوستگ
                                          دل زانــــت مڑاداریں یا سیاهیں جگرمـئی
هرچوں که رهءَ آچءُ سرپءُ هـوں بــگوارأنـت
                                          مــئی گــام نکوشتنتءُ نکوشتیت سفرمـئی  
                       (گلخان نصیر)                          

 

 

 


چمشانک

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *