شام میں سرکاری فوج کے مختلف شہروں میں فضائی حملوں میں41 افراد ہلاک اور درجنوں ہوگئے۔
انسانی حقوق کیلیے برطانیہ میں مقیم شامی آبزرویٹری نے بتایا کہ شامی فوج نے ملک بھر میں حزب اختلاف کے گروپوں پر فضائی حملے کے ہیں جن میں ادلب میں 18 افراد،ڈیرہ میں 8 ،اور 6 دمشق کے مضافات میں مارے گئے اسکے علاوہ حلب میں 4، اذقیہ میں3 اور حمص میں 2 افراد ہلاک ہوگئے۔ شامی انقلاب جنرل کمیشن کا کہنا ہے کہ دمشق کے علاقے یرموک میں حکومتی فورسز اور حزب اختلاف کی فورسز کے درمیان جھڑپیں ہوئی ہیں۔
فورسز نے درایا، یاربرئوڈ، دمشق،جوبر اور القبن کے علاقوں میں کارروائی کی اور ایک فوجی ائیربیس کے اردگرد بستیوں پر بیرل بم گرائے جس میں فورسز نے مسلح گروپوں کے متعدد افراد کو ہلاک کردیا اور ان کی گاڑیوں کو تباہ کردیا گیا۔ شامی فوجی دستوں نے لبنان کی سرحد کے قریبی علاقے قلمون میں باغیوں کے آخری اہم ٹھکانے کی طرف پیش قدمی کی ہے۔ ایک روز قبل ہی شامی افواج نے اس علاقے میں کارروائی کرتے ہوئے یبرود میں باغیوں کے ایک اہم اڈے پر کنٹرول حاصل کر لیا تھا۔
ایکسپریس نیوز
آپ کی رائے