ایرانی بلوچستان کے شہر ایرانشہر سے تعلق رکھنے والے معروف عالم دین مولانا دوست محمد نعمانی سنیچر اٹھارہ جنوری کو انتقال کرگئے، اناللہ وانا الیہ راجعون۔
مقامی ویب سائٹ ’سنت آن لائن‘ کی رپورٹ کے مطابق مولانا نعمانی گزشتہ پچیس سالوں سے جامعہ حقانیہ ایرانشہر سے وابستہ تھے جہاں آپ نے متعدد دینی کتابیں پڑھائیں۔
صحت خراب ہونے پر آپ کو ایک مقامی اسپتال میں داخل کرایاگیا تھا جہاں دماغ کے رگ پھٹ جانے کی وجہ سے ان کا انتقال ہوگیا۔
استاذالحدیث جامعہ حقانیہ ایرانشہر کا جسد خاکی ’لاشار‘ لے جایاگیا جہاں علمائے کرام اورعوام کی بڑی تعداد نے ان کی نمازجنازہ میں شرکت کی۔
’سنی آن لائن‘ ٹیم مولانا دوست محمدنعمانی کے اہل خانہ، طلبہ اورمتعلقین سے تعزیت کا اظہار کرتی ہے۔ اللہ تعالی مرحوم کو علودرجات عطا فرماکر انبیا، شہدا اور صالحین وصدیقین کے ساتھ انہیں محشور فرمائے، آمین۔
آپ کی رائے