قاہرہ(مرکزاطلاعات فلسطین) یورپ اور عرب و اسلامی ممالک کےانسانی حقوق کے رضاکاروں کی کوششوں سے غزہ کی معاشی ناکہ بندی توڑنے کے لیے امدادی قافلہ”میلوں مسافت کی مسکراہٹ” غزہ روانگی کے لیے تیار ہے۔ یہ قافلہ اگلے چند روز میں غزہ کے لیے عازم سفر ہو گا۔
میلوں مسافت قافلے کے منتظمین نے ایک نیوز کانفرنس میں بتایا کہ مختلف ممالک سے امدادی قافلے خشکی کے راستے بدھ کو مصر پہنچنا شروع ہو جائیں گے۔ یہ قافلے جمعرات اور جمعہ کو بھی جاری رہیں گے۔ جو بعد ازاں ہفتے یا اتوار کوایک بڑے قافلے کی شکل میں رفح راہداری سے غزہ داخل ہوں گے۔
قافلے کے منتظمین نے بتایا کہ “مسکراہٹ قافلہ نمبر4” میں شامل امدادی سامان میں آٹا، چاول، خشک دودھ، گرم کپڑے ، کھجوریں اور دیگر سامان شامل ہے۔ یہ امدادی قافلہ بنان، اردن، ایران اور مصر کے امدادی قافلوں کو ملا کر بنایا گیا ہے۔قاہرہ میں نیوز کانفرنس سے خطاب میں منتظمین نے بتایا کہ غزہ کی پٹی پر اسرائیل کی مسلط کردہ پانچ سال سے معاشی ناکہ بندی کا خاتمہ ان کی ترجیح ہے۔ وہ امدادی سامان جمع کرنے کا سلسلہ جاری رکھیں گے۔
آج : 27 July , 2011
آپ کی رائے