ملک ءِ نونێں ناگێگێں مالزانشتی جاور ءِ ته ءَ مردماں هررۆچ نۆک نۆکێں گپچلانی آماچ به انت. سردی ءِ مۆسم وَ نام ئی گرگی نه انت، بلے چهرگ ءَ اے سال ءِ زمستان یک هاسێں مۆسمے، پچےکه انگت هوا سرد نه بوتگ نفت ءُ گاز ءِ گپچل بنگێج بوتگ. مردماں هلاکه ءِ وڑوڑێں مێتگاں وتی تیوگێں رۆچاں گێس سلنڈر ءِ سرپانی ته ءَ مامانگ انت، اے وَ هچ که نون نفت هم آوانی مشکلانی سبت ءَ گێش کنگ بوتگ. دمگی سرهالانی رد ءَ بازێن مردمے ءِ نفت ءِ بهر بند کنگ بوتگ همارنگ که دێمتر ءَ آونی گاز ءِ بهر بند کنگ بوت ات.
ماں لهتے ڈیهانی هلک ءُ کلگاں هم نفت بهر کنگ نبوتگ ءُ مردماں شه اے جاور ءَ سک پرێشان انت. آوان شه نفتی کارگس ءِ کارمسترانی نادلگۆشی ءَ گلگ دار انت. اگه اے جاور همےرنگ برجاه بیت گڑا هلاکه ءِ مردمانی سکیاں زمستان ءَ چنت سر به انت، همےواستا هژدری انت که کارمستران اے بابت ءَ زوتێں توجیلے درگێج انت.
چمشانک