مولوی سید عبدالمحسن ساداتی ءَ ماں سراوان ءِ آدێنگ ءِ نمازجمعه ءَ گوشت: یکے شه سالمێں زندمان ءُ چاگرد ءِ دێمرئی ءِ هژدری ئێں زلورتاں امنیت انت. هر مردمے ءِ جان، مال ءُ ناموس ءِ حرمت بائد پهازگ بیت. همے چیز ءَ لۆٹ اێں که گۆں ناشر ءُ بدکار ءُ دز ءُ کۆشکار ءُ بدکارێں سلاهبنداں بےروداری ءَ په ترۆندی دێم په دێمی بیت.
مولوی ساداتی وتی هبرانی دێمتر ءَ گوشت: نه بائد ناشرێں مردمانی دست ءَ توپک بیت که زۆرآوری کن انت یا ماں سور ءُ آرۆساں کارمرز بیت؛ بژن انت که اے چیز که گۆں اسلام ءِ هێلکاریاں چپ انت ماں لهتے ڈیهاں بوگ ءَ انت. تپنگ بائد شه ناشرێں مردمانی دست ءَ گرگ بیت تاں چاگرد ءِ امنیت پچائێنگ بیت ءُ کسے را کۆش ءُ ناامنی ءُ دزی ءُ هول ءِ هێمات مه بیت.
چمشانک