زاہدان (سنی آن لائن) ایرانی بلوچستان کے شہر راسک کے خطیب اور ممتاز عالم دین کی رہائی کے بعد اب ان کے اکثر ساتھی بھی قید سے رہائی پاچکے ہیں۔
ہمارے ذرائع کے مطابق، مولانا نقشبندی کے بیٹے مولوی عبدالغفار، ان کے قریبی اعزہ حاجی ملک محمد آبادیان، جواد آبادیان اور نظام الدین ملازادہ بھاری رقم کی ضمانت پر رہا ہوچکے ہیں۔
مذکورہ افراد ساڑھے تین سال قبل ایک حکومت نواز عالم دین کے قتل کے الزام میں گرفتار ہوچکے تھے۔ گرفتاری کے فورا بعد ان میں سے بعض کو سرکاری ٹی وی پر مقتول عالم دین کے قتل کا اعتراف کرتے ہوئے دکھا گیا تھا۔ لیکن علمائے کرام و عمائدین کی کوششوں اور شواہد کی عدم موجودی کے باعث ایرانی عدلیہ نے انہیں بری کردیا۔
بتایا جاتاہے رہائی پانے والوں سے ایک سو ستر ہزار ڈالر ضمانت کی مد پر مکانات کی اسناد لی گئی ہے۔
جابر آبادیان اور گل محمد بلیدہ، مولانا نقشبندی کے دو دیگر ساتھی ابھی تک زاہدان کی مرکزی جیل میں قید ہیں جن کی رہائی جلد متوقع ہے۔
آپ کی رائے