واجه مولانا عبدالحمیدا مَں یک بهرے چه اِے هپتگِ (24 گوهر (دی) 1395) جمعه‌یِ گپاں، حضرت آیت‌الله هاشمی رفسنجانی په ایرانِ مردماں ٹوهیں هستی‌ئے زانت ؤ گوشتی: آیت‌الله رفسنجانیِ نظر ؤ دیدانکانی بدل ؤ ٹَگل ورگ سوب/سبب بیت که اِے گُڈّی سالاں، مرحومِ دوستی مردمانی دلِ تها گیشتر ببیت.

منی وصیت په مردماں اِیشنت که ما ؤ شما هر هالتیا باید ملکِ کانود/قانونانی سرا عمل کنیں. نه اللهِ قانونانی خلافا کنین ؤ نه ملکِ قانونانا پروشیں. اگه قانون رعایت کنگ مبنت پریشانی جوڑ بیت.

واجه مولانا عبدالحمیدا اِے هپتگِ زاهدانِ جمعه‌یِ گپاں (3 دی 1395) مرچگیں آپت ؤ بلاهے که انسانانی سرا یهتگنت، آیانی وتی اعمال ؤ‌کردارِ ثمره ؤ برورد زانت ؤ په توبه ؤ استغفارا تاکید کرت.

گلستانِ آزادشهرِ جمعه‌یِ پیشنمازا وتی جمعه‌یِ گپاں په لهتے که اهل‌سنتِ ناما په بزرگانِ قبرانی زیارتا گوں زیارتی کارواناں پیادگ دیم په عراق شتگنت، اشاره کرت ؤ ‌اِے کاری اهل‌سنتِ عقیده‌یِ خلافا زانت.

شیخ‌الاسلام مولانا عبدالحمیدا مَں یک بهرے چه اِے هپتگِ گپاں، مولانا صلاح‌الدین موحّدِ شهید بیگ، په نیمروزِ مردماں تسلیت گوشت ؤ چه آیانی لوٹت که گوں وتی عالمانی مدتا دینی کاراں دیما ببرنت.

شیخ‌الاسلام مولانا عبدالحمیدا په دونالد ٹرمپِ گچیں‌بوگ مں امریکه‌یِ گچیں‌کاری ؤ انتخاباتا اشاره کرت ؤ چه امریکه‌یِ گوستگیں راج‌کماشانی غلطی ؤ ردیاں په ٹروریسمِ دیمگیریا گله کرت ؤ چه آیانی سیاستانی رندگیریا مکن کرت.

شیخ‌الاسلام مولانا عبدالحمیدا گوستگیں جمعه‌یِ گپاں (14 آبان 1395) په نمازِ اهمیت و برزیں جاها مَں دینِ تها گپ کرت ؤ اِے باروا باز تاکید. واجهِ گپانی درچتگیں بهر شما را پیش کنگ بنت.

شیخ‌الاسلام مولانا عبدالحمیدا وتی اِے هپتگِ جمعه‌ی گپاں په انسانِ ظاهر و باطنِ پاکیا تاکید کرت و گوشتی که دلگوش کنگ په اِے هر دوئیناں په اللهِ رضامندیِ دستا آرگا ضروری اِنت.

شیخ‌الاسلام مولانا عبدالحمیدا مَں اِے هپتگءِ جمعهءِ گپاں اسلامءِ دین رحمت و میانه‌رویءِ دین زانت و گوشتی: اسلام نه اِشی که په کسے بیمے نداریت، بلکیں انچیں دینے که سرتاسر رحمت اِنت و په وتی…

شیخ‌الاسلام مولانا عبدالحمیدا اِے هپتگءِ زاهدانءِ جمعهءِ نمازءِ گپاں، 30 ستمبر2016 ئا، په انتظامی واکانی هپتگا اشاره کرت و «نظم و امنیتءِ برجاه دارگ» آیانی ٹوه‌تریں ذمه‌واری و مردمانی اعتمادءِ دستا آرگ په آیاں مزنیں کَٹّے زانت.