اسامہ بن لادن کے داماد کے وکلاء نے امریکی عدالت سے نائن الیون حملوں کے ماسٹر مائنڈ خالد شیخ محمد کے انٹرویو کی اجازت دینے کا مطالبہ کیا ہے۔
غیر ملکی خبر رساں ادارے کے مطابق اسامہ کے داماد سلیمان ابو غاشتی کے وکلاء نے نیویارک کی عدالت کے جج لیوس اے کاپلان کے سامنے دستاویزات پیش کی ہیں جن میں کہا گیا ہے کہ خالد شیخ ایک اعلی تعلیم یافتہ شخص ہے اور وہ ہمیں اس بارے میں واضح طور پر بتا سکتا ہے کہ وہ کسی دہشت گردانہ حملے کی سازش کا حصہ تھا یا نہیں۔ یہی وجہ ہے کہ ہم خالد شیخ محمد کا انٹرویو کرنا چاہتے ہیں۔ واضح رہے کہ ابو غاشتی پر الزام ہے کہ وہ القاعدہ کے ترجمان کی حیثیت سے متعدد دہشت گردانہ حملوں کی سازشوں میں ملوث رہا ہے۔ ابو غاشتی کیخلاف رواں ماہ کے آخر میں مقدمے کی سماعت کا آغاز ہوگا جس میں اسے سزائے موت سنائے جانے کا امکان ہے۔
اردو ٹائمز
آپ کی رائے