شام میں حزبِ اختلاف کے کار کنان کا کہنا ہے کہ حکومت کے ایک جنگی طیارے نے کھیل کے میدان پر کلسٹر بم گرایا ہے جس میں دس بچے جاں بحق ہوگئے ہیں۔
اس سے متعلق انٹرنیٹ پر جو ویڈیو شائع کی گئی ہے اس میں میدان پر بچوں کی لاشیں بکھری پڑی ہیں جن پر ان کی مائیں گریہ زاری کر رہی ہیں۔
اپوزیشن کارکنان کا کہنا ہے کہ روسی ساخت کے مگ جنگی طیارے نے دمشق کے مشرق میں دارلاصفر نامی گاوٴں کے ایک کھیل کے میدان پر بمباری کی جس کے نتیجہ میں یہ بچے جاں بحق ہوئے۔
اس دوران شام کے دارالحکومت دمشق کے گرد و نواح میں شدید لڑائی جاری ہے اور باغیوں نے اتوار کو ایک ایئر بیس کے بعض حصے پر قبضہ کر لیا۔
اے ایف پی ،رائٹرز ،جنگ نیوز
آپ کی رائے