مقبوضہ بیت المقدس(خبرايجنسياں) ایک اسرائیلی فوجی کی رہائی کے بدلے اسرائیل نے مزید پانچ سو پچاس فلسطینی قیدی رہا کر دئیے ہیں۔
پانچ سال پہلے قید ہوئے گیلاد شالت کے بدلے اسرائیلی حکومت کو معاہدے کے تحت ایک ہزار ستائیس فلسطینی قیدی آزاد کرنا پڑے۔ آزاد فلسطینی قیدیوں کا قافلہ جب رملہ پہنچا تو ہزاروں فلسطینیوں نے پر جوش استقبال کیا۔ بارڈر پر جشن کا سماں تھا اور لوگ خوشی سے جھوم رہے تھے۔
رہائی قیدیوں کے تبادلے کے ایک معاہدے کے ذریعے ہوئی جس کے تحت اسرائیل نے چار سو ستتر فلسطینی قیدی 18 اکتوبر کو رہا کیے تھے۔
فلسطینی عسکریت پسند تنظیم حماس نے پانچ سال اپنی قید میں رکھنے کے بعد اسرائیلی فوجی گیلاد شالت کو اکتوبر میں رہا کیا تھا۔ گیلاد شالت 2006 میں سرحد پر ہونے والی ایک جھڑپ میں پکڑا گیا تھا۔ اسرائیل کی جیلوں میں تقریبا ًچھ ہزار فلسطینی قید ہیں۔
آج : 19 December , 2011
آپ کی رائے