دمشق(خبررساں ادارے) تازہ اطلاعات کے مطابق شام میں سیکورٹی فورسز کی کارروائی اور ایک واقعہ میں سرکاری اہلکاروں سمیت کم از کم 90 افراد ہلاک اور متعدد زخمی ہوگئے۔
برطانوی انسانی حقوق کی تنظیم کا کہنا ہے کہ شام کے جنوبی صوبے درعا میں سیکورٹی فورسز کی چیک پوسٹ سے فائرنگ کی گئی جس کی زد میں آکر 31 شہری لقمہ اجل بن گئے۔
علاوہ ازیں درعا ہی میں باغی فورسز اور سیکورٹی اہلکاروں کے درمیان جھڑپ میں حکومتی فورسز کے 38 اہلکار جب کہ 21 باغی بھی مارے گئے ہیں۔
واضح رہے کہ مظاہرین کے خلاف کریک ڈاؤن اور اصلاحاتی ایجنڈے پر عمل نہ کرنے کی پاداش میں عرب لیگ نے شام کی رکنیت معطل کرکے اپنے سفیر واپس بلالیے تھے۔
آج : 16 November , 2011
آپ کی رائے