دینِ تها ٹوه‌ترېں حکم رند چه ایمانا، نماز اِنت. نماز هما پیم که واجه رسول‌الله -صلی‌الله‌علیه‌وسلم- گوشتگ: دینِ ڈېکی/ستون اِنت. همے پیم واجها فرمائېنتگ: «إن أول ما يحاسب به العبد يوم القيامة من عمله صلاته، فإن صلَحت فقد أفلَح وأنجَح، وإن فسَدت فقد خاب وخسِر»؛ اولی چیزی که قیامت رۏچا چه آئیا حساب گرگ بیت، آ نماز اِنت، اگه نماز برابر بوت، گڑا آ شخصا نجات کت ؤ برت، ؤ اگه نماز خراب بوت، گڑا آ شخصا ضرر ؤ زیان کت.