سنیآنلاین بلوچی| ھیبر پکتونستان ءِ بنجاھی شھر پشاور ءَ ایپ سی ءِ بنجل ءِ سرا بوتگیں اُرش ءَ زورگریں پاکستانی لشکر ءِ سے کارمندانی مرگ ءُ ھشت مردم ءِ زدگ بوگ ءِ ھال اِنت.
سی سی پی او پشاور ڈاکٹر میاں سئید ءَ گوں بی بی سی اردو ءَ تران کُرتگ ءُ گوشتگ کہ سُھب ءَ سے اُرشکار ایپ سی ءِ بنجل ءِ گیٹ ءَ سر بوتگ انت، اودا یک اُرشکارے ءَ گوں شورواں وت ءَ ڈیکّ داتگ، آئی ءَ پد دو اُرشکاراں بنجل ءَ پترگ ءِ جھد کُرتگ.
سی سی پی او ءِ گوشگ ءِ رد ءَ گیٹ ءِ سرا بوتگیں تراک ءِ آسر ءَ زورگریں پاکستانی لشکر ءِ سے کارمند مُرتگ، چہ آئی ءَ پد آ دوئیں اُرشکار پانزدہ، بیست دمان ءِ دیم پہ دیم میڑ ءَ دوئیں جنگ بوتگ اَنت.
آئی ءَ گوشتگ اُرشکاراں نوکیں سلاہ ءُ دستی بمب گون بوتگ.
آئی ءَ گوشتگ اے وھداں بنجل ءَ کلیئرنس آپریشن بوگ ءَ انت ءُ بم ڈسپوزل سکواڈ ءَ ھوار آ دگہ ٹولی ھم وئیل ءِ جاہ ءَ ساڑی اَنت.
دوھمی نیمگ ءَ پاکستان ءِ وزیر داخلہ مھسن نکوی ءَ پشاور ءَ زورگریں پاکستانی لشکر ءِ کارمندانی مرگ ءَ بژن درشان کرتگ.
بنشۆن: آشوب نیوز (24 نومبر 2025)
چمشانک