شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (23 آذر 1403) گۆں اشاره به سوریه ءِ چستءُاێراں ءُ بشار اسد ءِ حکومت ءِ پرۆش ورگ ءَ، شه دنیا ءِ تیوگێں سیاستزانت ءُ کارزانتاں لۆٹ ات که اے چستءُاێرانَ دلگۆش کن انت ءُ شه آوان درس گر انت.
🔹 سوریه ءِ پێسر ءِ کارمستراں مردمانی گپاں گۆش نه کرت
په سنیآنلاین ءِ سرهال ءَ مولانا عبدالحمید گوشت: چنکه سال دێم ءَ ماں «بهار عربی» ءَ سوریه ءِ مردماں هم چست بوت انت ءُ زهرشانی اش کرت. البت آ درگت ءَ آ ملک ءِ مردمانی لۆٹ آسانتر ات انت که سوریه ءِ کارمسترانَ توانت آوانَ گۆش دار انت ءُ جۆڑ اش کن انت. بلێں حکومت گۆں زۆر ءَ مردمانی دێم ءَ اۆشتات که آسر ءَ مردماں هم سلاه دست ءَ گپت ءُ بازێن مردمے کشگ بوت ءُ بازێنے بندیگ بوت ءُ سوریه ءِ مردمانی سر ءَ ٹوهێں ظلمے بوت. آسر ءَ سوریه ءِ تیوگێں پاٹیاں په جوانی ملک ءَ را دست ءَ گپت ءُ بشار ءِ حکومت ءَ را پرۆش اش داد.
زاهدان ءِ آدێنگ ءِ امام ءَ درشان کرت: تیوگێں سیاستزانت ءُ کارزانتاں گوشت ات که اے پاٹی تانسرپسندے وهدے ڈیهانی ته ءَ پتر ایت هورکشیَ کن انت، بلێں چپکا، وهدے اے پاٹی ءَ ملک ءَ را دست ءَ گپت هما گالردے را گوشت اش که واجه رسولالله صلیاللهعلیهوسلم ءَ مکه ءِ گرگ ءِ درگت ءَ گوشت ات که: «إذهبوا، أنتم الطلقاء» برو ات شما پهکاں آزات ات ءُ کسے را گۆں شما کارے نێست. سوریه ءِ پاٹی ءَ بس گوشت آوان که مردمانی هۆنان اش رێتگ پد ءَ سزا دیگَ به انت.
🔹 شه سوریه ءِ بندیجاهاں انچێں سرهالَ رس ایت که مردمے دپ آوانَ گوشت نه کنت
زاهدان ءِ آدێنگ ءِ امام ءَ همےرنگ به بشار اسد ءِ حکومت ءِ بندیگاں هم اشاره کرت ءُ گوشتء: نون که اے پاٹی ءَ سوریه ءِ حکومت ءَ را دست ءَ گپتگ ءُ بندیجاهانی دروازگان اش پاچ کرتگ، انچێن سرهال شنگ بیان انت که مردمے دپ آوان گوشتَ نه کنت که گۆں بندیگاں چۆنێں کرد بوتگ.
🔹 سوریه ءِ نۆکێں جنز ءَ مردم ءُ دینانی مقدسات ءُ ارزشتانَ دلگۆش کرت
مولانا عبدالحمید گێش کرت: دگه دلگۆش کرزێں گپ اێش ات که اے پاٹی ءَ مردمانَ دلگۆش کرت. آوان وهدے حکومت ءَ را دست ءَ گپت جار اش جت که فوج ملک ءِ مڈی انت ءُ کارمنداں هم تاں وهدے که نۆکێں سرکار وتی کار ءَ بنگێج کنت، وتی کارانی سر ءَ برجاه انت. همےرنگ گوشت اش که ما سرکار نه اێں، بلکه سرکار ءَ مردم گچێن کن انت.
واجه ءَ گێش کرت: اے نوکێں پاٹی ءَ جار جت که سوریه تیوگێں راج ءُ پاٹیانی ملک انت ءُ پهکێں راجاں ملک ءِ ته ءَ آزات انت ءُ حق اش دیگَ بیت. همےرنگ جار اش جت که گۆں همسایگ ءُ آدگه ملکاں وشێں رهوتے گرگَ بیت.
🔹 بائد انت گۆں انصاف ءَ فیصله کن اێں؛ سوریه ءِ انوگێں جنز راستێں راہ ءَ روگ ءَ انت
زاهدان ءِ آدێنگ ءِ امام ءَ ٹکاٹک گوشت: ما بائد گۆں آمید ءُ عدالت ءَ فیصله کن اێں. تیوگێں چستءُاێرانی روگه ءَ سوریه ءِ انوگێں جنز راستێں راہ ءَ روگ ءَ انت. پهکێں دنیا ءِ کارزانت ءُ مئے ملک ءِ کارزانتانی گپ همێش انت که اے جنز راستێں راہ ءَ روگ ءَ انت ءُ تاں نون سستی ئے نه داشتگ اش که اگاں سستی ئے داشتێں اش ما آوانَ سرپدَ کرت.
واجه ءَ گێش کرت: سوریه ءِ مردمانی جنز ءِ سۆبێں بیگ ءِ پد کپگ ءِ حکمت همے بوتگ که کتهکار به انت ءُ راستێں راه ءَ برو انت؛ همارنگ که ماں انوگێں جنز ءَ هم میاناستمانی کانود ءُ هم انسانی حقان ءَ دلگۆش اش کرتگ.
🔹 ما بائد شه راجدپتر ءِ چستءُاێراں درس گر اێں ءُ استمان ءَ دلگۆش کن اێں
مولانا عبدالحمید په درس گرگ شه راجدپتر ءَ ءُ استمان ءِ دلگۆش کنگ ءَ سک سۆگه کرت ءُ گوشتء: لهتے ملک ءِ ٹوهێں کارمستراں گوشتگ ات که ما پێسر ءَ بشار اسد ءَ ڈاه داتگ که گۆں وتی ملک ءِ مردماں به نند ایت ءُ آوانی لۆٹاں دلگۆش به کنت، بلێں آیی اے ڈاه ءَ را نادلگۆش کرت ءُ گۆں اے سرنبشت ءَ آماچ بوت. اے گپ ءِ بزانت همێش انت که مئے لهتے کارمستراں هم سرپد بوتگ انت که بن ءُ رۆتگ استمان انت ءُ بائد انت آئی گپ گۆش دارگ بیت ءُ لۆٹء رندگیری به انت. پهکان بائد انت شه راجدپتر ءَ ءُ چۆشێں چستءُاێراں درس گر انت.
زاهدان ءِ آدێنگ ءِ امام ءَ همےرنگ درائێنت: مردم ملک ءِ بنی واهند انت؛ بائد انت آوانی هبر اشکنگ ءُ لۆٹان اش رندگیری به انت. اے استمان ءِ سۆباں ءُ مشکلاں شه دگه ملکانی سۆب ءُ مشکلاں دێمتر انت.
🔹 ایران ءِ استمان ماں سێزدمی سرکار ءَ گێشترێں سکیانی آماچ بوت
مولانا عبدالحمید گوشت: ایران ءِ استمان ماں سێزدمی سرکار ءَ گێشترێں سکیانی آماچ بوت. راج ءُ مذهباں ماں آ سرکار ءَ باز نقصان دیست، بازێنے شه نمازخانهاں بند بوت انت ءُ لهتے شه مهمێں نمازخانهان ءَ هم واهندی اش کرت. لهتے شه اداره ءُ ارگاناں هم مردمانی سر ءَ زۆر آورت که انگت برجاه انت، بلێں زۆر جوابَ نه دنت.
واجه ءَ گێش کرت: ایران ءِ مردماں هوشی ئێں مردم انت. بائد گۆں اے مردماں نند ات ءُ گۆں پراهدلی ءُ ترانکاری ءُ دورچاری ءَ آوانی لۆٹانَ رندگیری کن ات. سرکاراں گۆں مردمانی لۆٹانی رندگیری ءَ توان انت وتی مشکلانَ هم جۆڑ کن انت.
چمشانک