مروچی :چهارشنبه, ۳ مرداد , ۱۴۰۳

اسلام آباد ءَ زھرشانی ءَ نشتگیں مردمانی گون ءَ پولیس ءِ زوراکی

اسلام آباد ءَ زھرشانی ءَ نشتگیں مردمانی گون ءَ پولیس ءِ زوراکی

بلوچ یکجھتی کمیٹی ءِ نیمگ ءَ برجاھیں زھرشانی نندانک ءَ پولیس ءِ زواراکی برجاہ اَنت. اسلام آباد پولیس زھرشانی ءَ نشتگیں مردمانی وردن، کمبل، ٹینٹ ءُ آدگہ ساماناں نندانک جاہ ءَ برگ ءَ نیلگ ءَ اِنت. 

بنشون ءِ رد ءَ چہ بلوچستان ءِ جتائیں ھند ءُ دمگانی زوربیگواھیں مردمانی کھول اسلام آباد ءَ آھگ ءُ بلوچ یکجھتی کمیٹی ءِ نیمگ ءَ برجاھیں زھرشانی ءَ بھر زورگ ءَ اَنت.

زھرشانی ءَ نشتگیں مردمانی گیش بوگ ءِ سوب ءَ زھرشانی ءَ نشتگیں مردماں مرچی ٹینٹ ءُ نپاد ءُ  زورتگ ءُ زھرشانی نندانک ءَ روگ ءَ بوتگ اَنت کہ اسلام آباد پولیس ءَ ٹینٹ ءُ سامانی دارگ ءِ جھد کرتگ.

اسلام آباد پولیس ءِ گوشگ اِنت کہ زھرشانی ءَ نشتگیں مردم پہ وت ءَ چونیں سامان ءُ وردن زور اَنت گڑا الّم ما را موکل بگر اَنت، ابید ءِ موکل ءَ ما ھچ سامان ءَ اد ءَ آرگ ءَ نیل ایں.

یات بہ بہ اِت کہ بلوچ یکجھتی کمیٹی ءِ نیمگ ءَ برجاھیں زھرشانی ءَ سی ءُ نوہ روچ اِنت سرجم بوتگ انگت برجاہ اِنت. زھرشانی کنوکیں مردماں یازدہ روچ بیت اسلام آباد پریس کلب ءِ دیم ءَ زھرشانی ءَ نشتگ اَنت. چہ واکدارانی نیمگ ءَ آیانی لوٹانی منگ ءَ اَبید زھرشانی ءَ نشتگیں مردم روچ پہ روچ گیشیں جنجالانی دیمپان کنگ بوگ ءَ اَنت.

بنشۆن: زرمبشت بلوچی


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *