سنی‌آنلاین| پهازۆکی واکاں دوشمبی ءِ شام ءِ وهد ءَ (15 آبان 1402) «ابوبکر توحیدی (میربلوچ)» یکے شه زاهدان ءِ شۆشل میڈیا ءِ ورنائێں جهدکارانَ دزگر ءُ بندیگ کرت.
ابوبکر توحیدی، خدامرزی مولانا نعمت‌الله ءِ زهگ انت که دوشمبی ءَ ماں یکے شه زاهدان ءِ پٹءُپاسی اۆشتجاهاں دزگر کنگ بوت.
🔸ابوبکر توحیدی ءَ برےبرے په وتی دل ماں نمازجمعه ئاں گۆں دارالعلوم زاهدان ءِ بت‌گر ءُ تامرکاراں همکاری کرتگ.
🔸گوشگی انت که پێسر ءَ هم عبدالنصیر شه‌بخش ءُ اسامه شه‌بخش ءُ محمدعلی نارویی شه دارالعلوم زاهدان ءِ بت‌گر ءُ تامرکاراں شه پهازۆکی واکانی نێمگ ءَ آوارجنگ ءُ تاں نون بندیگ انت.
🔸کارزانتانی باور همێش انت که دارالعلوم زاهدان ءِ رسانکدری جهدکارانی آوارجنگ ءُ بندیگ کنگ ءُ همےرنگ دارالعلوم ءِ استاداں ءُ مسیت مکی ءِ نمازوانۆکانی آوارجنگ ءُ بندیگ کنگ ءِ سبب دێمداری شه واجه مولانا عبدالحمید ءِ حق گوشی ءَ انت. چۆناهی ءَ سرکار گۆں اے داب ءَ لۆٹ ایت واجه مولانا ءُ دارالعلوم ءِ جهدکارانَ زۆرے آماچ کنت تاں سرکارے ظلم ءُ زۆرانَ جار مه جن انت.
چمشانک