مروچی : 13 خرداد , 1400

هشت نپر شه یک گسے مردمان ماں زاهدان ءَ کشگ بوت اَنت/ مولانا عبدالحمید اے جنایت ءِ کنۆکانِ پجارۆکی ۆ سکێن مجازات ءَ لۆٹوک بوت

هشت نپر شه یک گسے مردمان ماں زاهدان ءَ کشگ بوت اَنت/ مولانا عبدالحمید اے جنایت ءِ کنۆکانِ پجارۆکی ۆ سکێن مجازات ءَ لۆٹوک بوت

سنی‌آنلاین| همے هپتگے چارشمبی ئے شپا (11 خرداد 1400) ءَ ناشناسێں مردمے یا مردمان گوں تیر ءَ هشت نپر شه یک گسے مردمانَ آوان گسے تها کشتگ که شش نپر زهگ بوتگ انت (سے بچک ۆ سے جِنِک) ۆ آوان ماس ۆ بلُّک هم کشگ بوتگ اَنت.

سربوتگیں ھالانی رِد ءَ اے جنایت ءِ کنۆک یا کنۆکان حتی یک شش ماهگێں زهگے  را هم شهید کرتگ.

هنگت معلوم نه اِنت که کنۆکان مقصد شه اے جنایت ءَ چے بوتگ، بلێن زاهدانِ شهرے انتظامی واکان سرۆک ءَ جار جتگ که رندگیری کنگ ءَ اَنت تاں اے جنایت ءِ کنۆکانَ پجارۆکی کن اَنت. 

🔺 شیخ‌الاسلام مولانا عبدالحمید ماں بیانیه ئے اے جنایت ءَ را سکّ اێرجت ۆ آیرا «دلپدردی ۆ ترسناکێں» جنایت ءِ زانت ۆ آیی کنۆکان پجارۆکی ۆ سکێن مجازات ءَ لۆٹوک بوت.

ماں یک بهرے شه اے بیانیه ءَ آتگ: «زهگ ۆ جنێنان قتل شه بدترێن ۆ رڈترێں جنایتان انت که بکشاتگَ نه بیت ۆ باز گران انت. ما اے ترسناکێں جنایت ءَ سکّ اێرَ جنێں ۆ شه انتظامی ۆ عدلیه ئے ذمه‌وارانَ لۆٹێں که آیی کنۆکانَ ودی کن انت ۆ سکّ مجازات اش کن انت.»


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *