پاکستانَے امنیتی واکانی هالا ماں یک انفجار/بمبتراکے که زیگیں سهبا (19مرداد 1395) ماں کوٹهیا پیش آتک گیش چه 70 نپر کشگ بوتنت و بازینے هں ٹپی بوتت که لهتے یَے هال سک هراب اِنت.
په سنیآنلاینَے هالرسانی سایتَے هالا نقل چه پاکستانی رسانکدراں اِے بمبتراکی کوٹهیَے نادراهجاه دپا همے وهدی که لهتے چه وکیلاں لوٹتگ یک وکیلے په نام “بلال انور کاسی” یے جسدا که چه تیرگواریا کشگ بوتگت په نادراهجاها بیارنت پیش آتک.
کمسهکم 18 وکیل و بازیں هالکارے ماں اِے پیشامدا بیراں بوتگ.
ثناءالله زهری بلوچستانَے سروزیرا گوشتگ: چو که جاه کئیت اِے حمله یک وتتراکی/انتحاری حملهاِے بوتگ.
نواز شریفا هں گوں اِے حملهیَے اِیرجنگا وتی اپسوز درشاں کرتگ.
فرانسَے هالرسانی بُنجاها هال کرتگ که یک گروهے په نام «جماعةالاحرار» ئا اِے بمبتراکی وتیگی کرتگ.
چمشانک