ﺻﺒﺎ ﺩﺷﺘﯿﺎﺭﯼ (ﻏﻼﻡ ﺣﺴﯿﻦ) ﺑﻠﻮﭼﯽ ﺯﺑﺎﻥﺀِ ﺯﻧﺪﮒﮐﻨﻮﮐﺎﻧﯽ ﺭﺩﺀَ ﭼﻪ ﻫﻤﺎ ﺑﮯﺩﺭﻭﺭﯾں ﺑﺎﻣﺮﺩﺍﻥ ﺍِﻧﺖ ﮐﻪ ﺭﺍﺟﺪﭘﺘﺮﺀَ ﺁﺋﯽﺀِ ﻧﻤﯿﺮﺍﻧﯿﮟ ﻫﺰﻣﺖ، ﮔﻮﮞﺳُﻬﺮﯾﮟ ﺣﺮﻓﺎﮞ ﻧﺒﯿﺴﮓ ﺑﻨﺖ. واجه سال 1953 ﻣﯿﻼﺩﯼءَ چمی دنیاءَ پچ کت اَنت.
واجه ﺻﺒﺎ ﭘﺎﮎﺩﻝ، ﭘﺎﮎﻧﯿﺖﺀُ ﻗﺪﺭ ﺩﺍﻧﯿﮟ ﺍﻧﺴﺎﻧﯽ ﺍَﺕ. ﻭﺗﯽ ﺑﻼﻫﯿﮟﮐﺎﺭﯼ ﻫﭻ ﮐﻤﺎﺭ ﻧﻪ ﮐﺖ ﺍﻧﺖ. ﺁ ﯾﮏ ﺑﮯ ﺗﻤﺎﻫﯿﮟ ﻣﺮﺩے ﺍَﺕ. ﺁﺋﯽﺀِﻣﻮﻝﺀُ ﻣﺮﺍﺩ، ﻧﺎﻡ ﺩﺭ ﺁﺭﮒ ﺀُ ﻭﺕﺳﺘﺎﺋﯽ ﻧﻪ ﺑﯿﺘﮓ، ﺑﻠﮑﯿﮟ ﻫﺮ ﻭﻫﺪ ﻭﺗﯽ ﮈﻭﺑﺎﺭ اِﺕ ﮐﻪ ﻣﻦ ﺭﺍﺟﯽ ﺫﻣﻪ ﭘﻪ ﺷﺮّﯼ ﺍَﺩﺍ ﻧﻪ ﮐﺘﮓ. ﺁ ﯾﮏﮐﺎﻣﻠﯿﮟ ﺯﺑﺎﻥﺯﺍﻧﺖ، ﻟﭽﻪﮐﺎﺭ، قلمﻧﺒﯿﺲ، ﺁﺯﻣﺎﻧﮏﺀُ ﮐَﺴﻤﺎﻧﮑﺎﺭ و درام ﺀُ ﻣﺰﻧﯿﻦ ﭘﭧﺀُ ﭘﻮﻟﮑﺎﺭﮮ ﺑﯿﺘﮓ ﮐﻪ ﻣﺎﮞ ﻫﺮ ﭘﮍﺍ/میدانءَ ﻭﺗﯽ ﺑُﻮﺭﯼ/اَسپی ﭘﻪ ﺷﻬﺴﻮﺍﺭﯼ ﺗﺎﭼﯿﻨﺘﮓ، ﭘﺮچےﺀَ ﮐﻪ ﻣﺎﮞ ﭘﺎﺭﺳﯽ و ﺍﺭﺩﻭ ﺍﺩﺏﺀِ ﭘﮍﺍ ﺩﻭﺭ ﮐﺖﺀُ ﻭﺗﯽ ﻫﻤﺎﯾﺎﻧﯽ ﺭﻧﮓﺀَ ﺭﺟﯿﻨﺖﺀُ ﻫﻨﭽﯿﮟ ﻭﺷّﯿﮟﺷﻌﺮﮮ ﭘﺮ ﺑﺴﺖ ﮐﻪ ﻣﺰﻧﯿﮟ ﺍﻫﻞ ﺯﺑﺎﻥﺀُ ﺷﺎﺋﺮ ﺁﺋﯽﺀِ ﺩﯾﻢﺀَ ﻫﭻﮔﻨﺪﮒﺀَ ﺁﺗﮏ ﺍﻧﺖ، ﺑﻠﮯ ﺍﻟﻠﻪ ﭘﺎﮎﺀَ ﺁﺋﯽﺀِ ﻭﺟﻮﺩ ﭘﻪ ﻣﺎﺗﯽ ﺯﺑﺎﻥ، ﺑﻠﻮﭼﯽﺀِ ﺩﯾﻤﺮﻭﯼ ﺀَ ﺑﻨﺎ ﺍﯾﻨﺘﮓ ﺍَﺕ.
ﺳﺎﻝ 1981-82 ﻣﯿﻼﺩﯼﺀَ ﺭﻧﺪ ﯾﮏ ﮐﺴﺎﻧﯿں ﺳﺮﮐﭙﺘﯽﺀَ، ﺁﺋﯽﺑﻠﻮﭼﯽ ﻣﯿﺪﺍﻥﺀَ ﺁﺭﺕ ﺀُ ﭘﻪ ﻣﺮﺩﯼﺀُ ﺍﯾﻤﺎﻧﺪﺍﺭﯼ ﻣﺎﮞ ﺍﮮ ﮐﺴﺎﻧﯿﮟﻭﻫﺪﺀَ ﻫﻤﯿﻨﭽﻮ ﺟﻬﺪ ﮐﺖ ﮐﻪ ﺑﻠﻮﭼﯽ ﺩﻧﯿﺎﯼﺀَ ﺷﻌﺮ ﺀُ ﺭﻡ ﻧﺒﯿﺴﯽﺀَﺳﯿﺪﻫﺎﺷﻤﯽﺀِ ﺭﺩﺀَ ﺍﻭﺷﺘﺎﺕ. ﺍﮔﻪ ﯾﮑّﮯ ﭘﻪ ﺑﻠﻮﭺﺀُ ﺑﻠﻮﭼﯽﺀَ ﯾﮏﮐﺴﺎﻧﯿﮟ ﮔﺎﻣﮯ ﭼﺴﺖ ﺑﮑﺘﯿﮟ ﺁﺋﯽﺀِ ﺗﻮﺳﯿﭗ ﺩﺍﺕﺀُ ﭘﻪ ﻫﻤّﺖﺍﻓﺰﺍﺋﯽﺀَ ﺳﺎﮌﺍﯾﺖﺀُ ﻣﺎﮞ ﻭﺗﯽ ﺗﻤﺎﻣﯿﮟ ﺯﻧﺪﺀَ ﻫﭻﺑﺮ ﮐﺴﯽ ﮐﺮﺩﺍﺭﮐﺸﯽ ﮰ ﻧﻪ ﮐﺘﮓﺀُ ﺩﮔﺮﺍﻧﯽ ﺑﮯ ﺁﺑﺮﻭﺋﯽﺀِ ﺭﻧﺪﺀَ ﻫﻢ ﻧﻪ ﺑﯿﺘﮓ.ﺁﯾﺎﻧﯽ ﺭﺩﯼ ﮰ ﭘﻪ ﻭﮌﮮ ﺑﯿﺎﻥ ﮐﺘﮓ ﺍﻧﺖ ﮐﻪ ﺁﯾﺎﮞ ﺩﻟﺮﻧﺞﺀُ ﭘﻪ ﺩﺭﺩ ﻣﻪ ﺑﻨﺖ.
ﺑﺎﺯ ﮔﻮﺷﯿﺖ ﮐﻪ واجه ﺻﺒﺎ ﺍﯾﺮﺟﻨﻮﮎﺀُ ﭘﺎﺷﮏ ﭘﺎﺩ ﮐﻨﻮﮐﯿﮟ ﻣﺮﺩﻣﮯ ﺑﯿﺘﮓ. ﻣﻨﯽ ﻫﯿﺎﻝﺀَ ﺍﮮ ﮔﭗ ﻧﺎﺩﺭﺳﺖﺀُ ﺭﺩ ﺍﻧﺖ. ﻫﺮ ﮐﺲ ﺯﺍﻧﺖ ﮐﻪ ﺁ ﯾﮏ ﺗﭽﮑﯿﮟ ﻣﺮﺩﻣﮯ ﺑﯿﺘﮓ. ﺁﺋﯽ ﻫﻢﺀَ ﺑﺪﮐِﺮﺩ، ﺑﺪ ﺯِﺭﺩﺀُ ﻭﺗﮕﻼﺋﯿﮟ ﻻﭖﮔﻨﻮﮐﯿﮟ ﻣﺮﺩﻣﺎﻥﺀَ ﺍﯾﺮ ﺟﺘﮓ ﺍﻧﺖ. ﺍﮔﻪ ﺍﮮ ﭘﯿﻤﯿﮟ ﻣﺮﺩﻣﺎﻧﯽ ﮐﺎﺭﭘﺪﺍﮞ ﻣﺮﻭﭼﯽ ﻫﻢ ﭘﻪ ﺷﺮّﯼ ﭨﭙﺎﺳﮓ ﺑﻪ ﺑﻨﺖ ﺗﻮ ﻭﺕ ﻫﺪﺍﻣﺮﺯﯼﺀَ ﺷﺎﺑﺎﺵ ﮔﻮﺷﮯ.
ﺁﺋﯽ ﭼﻪ ﻭﺗﯽ ﺷﺮّﯼﺀَ ﺍﮮ ﭘﯿﻤﯿﮟ ﻣﺮﺩﻣﺎﻥﺀَ ﻫﻢ ﻫﭽﺒﺮ ﻣﺎﮞ ﺩﯾﻮﺍﻧﺎﮞ ﭘﺎ ﺷﭙﺎﺩﺀَ ﺑﮯ ﻋﺰّﺕ ﻧﻪ ﮐﺘﮓ ﺍﻧﺖ. ﺳﺮﭘﺪ ﮐﻨﮓﺀَ ﺭﻧﺪ ﺗﻮﺭﯾں ﻫﺮﮐﺲ ﺑﯿﺘﮓ ﭘﻪ ﺁﯾﺎﻧﯽ ﻣﺨﺎﻟﻔﺖﺀَ ﻭﺗﯽ ﺩﭖﺀُ ﻗﻠﻤﯽ ﺩﻭﺳﺖ ﻧﻪ ﺩﺍﺷﺘﮓ. ﺍﮮ ﺷﻬﺴّﺴﺎﮰ ﮐﺎﻣﯿﺎﺑﯽﺀِ ﺭﺍﺯ ﺁﺋﯽﺀِ ﭘﺎﮐﯿﮟ ﻧﯿﺖ ، ﻣﺰﻧﯿﮟ ﭘﮕﺮﺀُ ﻧﯿﮑﯿﮟ ﻭﺍﻫﮓ ﺑﯿﺘﮓ.
ﻣﺎ ﻧﻪ ﮔﻮﺷﯿﮟ ﮐﻪ ﺻﺒﺎﺀِ ﮐﺎﺭﺍﻧﯽ ﺗﻪﺀَ ﻫﭻ ﺭﺩﯼ ﻧﻪ ﺑﯿﺘﮓ ﺍﻧﺴﺎﻥ ﺟﺎﺋﺰ ﺍﻟﺨطﺎ ﺍِﻧﺖ ﺑﻠﮯ ﺧﻄﺎﺀُ ﮔﻨﺎﻩ ﺩﻭ ﺟﺘﺎﺋﯿﮟ ﭼﯿﺰ ﺍﻧﺖ.
ﻫﺮﭺ ﭘﯿﻢﺀَ ﻣﺮﻭ ﺻﺒﺎ ﺩﺷﺘﯿﺎﺭﯼ ﻣﺌﮯ ﺩﺭﻣﯿﺎﻥﺀَ ﻧﻪ ﺍِﻧﺖ ﺑﻠﮯ ﺁﺋﯽﺀِ ﮐﺘﮕﯿﮟ ﮐﺎﺭ، ﻧﯿﮑﯿﮟ ﻭﺍﻫﮓ ، ﻫﻤﺪﻟﯽﺀُ ﻫﻤﺮﺍﻫﯽ ﺩﺍﮞ قیاﻣﺖﺀَ ﺑﻠﻮﭺ ﺭﺍﺝﺀ ﺭﻫﺸﻮﻥ ﺍﻧﺖ .
ﺑﺎﺯ ﻣﺮﺩﻡ ﺁﺋﯽﺀَ ﺑﮯ ﺍﻭﻻﺩ ﮔﻮﺷﯿﺖ ﺑﻠﮯ ﻣﻦ ﮔﻮﺷﺎﮞ ﮐﻪ ﺍﺳﺘﺎﺩﺀِ ﻫﺮ ﺷﺎﮔﺮﺩﺀُ ﺭﺍﺝﺀِ ﮐﻨﮕﺮﯾﮟ ﺯﺍﻧﺘﮑﺎﺭﯾﮟ ﻫﺮ ﭘﺴّﮓ ﺁﺋﯽﺀِ ﭼﮏّ ﺣﺴﺎﺏﮐﻨﮓ ﺑﻨﺖ. ﻟﻬﺘﮯ ﻣﺮﺩﻡﺀَ ﺩﻩ ﻧﺎﺩﻟﺴﺮﯾﮟ ﭼﮏّ ﻫﺴﺖ ﺑﻠﮯ ﺑﮯ ﺍﻭﻻﺩ ﺯﺍﻧﮓ ﺑﻨﺖﺀُ ﻣﺎﮞ ﺍﻣﺮﻭﺯﺀَ ﮐﺲ ﻣﻪ ﭘﺮﺳﯽﺀِ ﺁﻣﺎﭺ ﺍﻧﺖ.
ﺻﺒﺎﺀِﻧﺒﺸﺘﮕﯿﮟ ﻫﺮ ﻭﺍﻧﮕﯽ ﭼﻪ ﭼﮑّﺎﮞ ﮔﯿﺶ ﺍﻧﺖ ﭘﺮﭼﯽﺀَ ﮐﻪ ﻣﺮﺩﻡﻫﺮﭼﮯ ﺯﻧﺪﮒ ﺑﻪ ﺑﯿﺖ ﭼﻪ ﺳﺪ ﺳﺎﻝﺀَ ﻧﻪ ﮔﻮﺯ ﺍﯾﺖ ﺑﻠﮯ ﻭﺍﻧﮕﯽﻫﺰﺍﺭﺍﮞ ﺳﺎﻝ ﺯﻧﺪﮒﺀُ ﻧﻤﯿﺮﺍﻥ ﺍﻧﺖ ﮐﻪ ﻫﭽﺒﺮ ﻧﻪ ﻣﺮ ﺍﯾﺖ. ﺍﮮﭘﯿﻤﯿﮟ ﺳﺮﺍﻧﯽ ﺭﻭﮒ ﺳﮏّ ﮔﺮﺍﮞ ﺍﻧﺖﺀُ ﻫﺮ ﻣﺮﺩﻡ ﻭﺗﯽ ﺟﺎﻩﺀَ ﺗﻮﺭﯾﮟﻭﺵ ﻧﯿﺎﺗﮑﮯ ﻫﻢ ﺑﻪ ﺑﯿﺖ ﺩﺭﺩ ﺑﯿﺖﺀُ ﺍﮮ ﺁﺯﮔﯿﮟ ﺩﺭﺩﺀَ ﮔﻮﮞ ﻭﻫﺪﺀِﮔﻮﺯﮒﺀَ ﻫﺎﮎ ﮐﻢ ﮐﻢﺀَ ﺳﺎﺭﺕ ﮐﻨﺖ ﮐﻪ ﭼﮏّﺀُ ﺍﻭﺑﺎﺩﮒ ﺑﯽ ﻫﯿﺎﻝﺑﻨﺖ.
ﺍﺳﺘﺎﺩ ﺻﺒﺎﺀِ ﺍﺩﺑﯽ ﻫﺰﻣﺖ ﭼﻪ ﮐﺲﺀَ ﭼﯿﺮ ﻧﻪ ﺍﻧﺖ. ﺍﮔﻪ ﺁﺋﯽﺀِﺩﺭﺳﺘﯿﮟ ﻧﺒﺸﺘﮕﯿﮟ ﻭﺍﻧﮕﯿﺎﮞﺀُ ﻭﺗﯽ ﻋﻤﺮﺀِ ﺩﺭﺳﺘﯿﮟ ﺩﻟﺪﻭﺳﺘﯿﮟﺷﺎﮔﺮﺩﺍﮞ ﺀُ ﮐﺘﮕﯿﮟ ﻧﯿﮑﯿﮟ ﮐﺎﺭﺍﻥﺀَ ﯾﮏ ﮐﺮّ ﺑﮑﻨﮯ ، ﻫﺪﺍﻣﺮﺯﯼﺀَﺗﻬﻨﺎ ﺳﯿﺪ ﻫﺎﺷﻤﯽ ﺭﯾﻔﺮﻧﺲ ﮐﺘﺎﺑﺠﺎﻩﺀِ ﺑﻨﯿﺎﺩ ﺍﯾﺮ ﮐﻨﮓﺀُ ﻭﺗﯽﭘﺎﺩﺍﻧﯽ ﺳﺮﺀَ ﺍﻭﺷﺘﺎﺭﯾﻨﮓ ﺑﺲ ﺍﻧﺖ ﮐﻪ ﺳﺮﺟﻤﯿﮟ ﺑﻠﻮﭺ ﺭﺍﺝ ﻭﺍﺟﻪﺀِﺑﮯ ﻣﭧّﺀُ ﺑﮯ ﺩﺭﻭﺭﯾﮟ ﻫﺰﻣﺘﺎﻧﯽ ﻭﺍﻣﺪﺍﺭ ﺍﻧﺖ.
ﭼﻮﻧﺎﺋﯽﺀَ ﭘﺮﻭﻓﯿﺴﺮ ﻓﻠﺴﻔﻪﺀُ ﺍﺳﻼﻣﯿﺎﺕﺀِ ﺍﺳﺘﺎﺩﯼ ﺍﺕ ﺑﻠﮯ ﻣﺎﮞ ﺷﺎﻝﺀِ ﻣﺰﻧﯿﮟ ﺷﻬﺪﺭﺑﺮﺟﺎﻩﺀَ ﻓﻮﻕ ﻟﯿﺴﺎﻧﺲ ﺀِ ﺩﺍﻧﺸﺠﻮﯾﺎﻥﺀَ ﺑﻠﻮﭼﯽ ﻫﻢ ﻭﺍﻧﯿﻨﺖﺀُ ﺁﺋﯽﺀِ ﺷﺎﮔﺮﺩ، ﭘﺮﺍﻫﮕﺎﻧﯿﮟ ﺩﻧﯿﺎﺀِ ﮐُﻨﮉ ﮐُﻨﮉﺀَ ﺷﻨﮓ ﺍﻧﺖ ﮐﻪ ﻭﺍﻧﮓﺀُ ﺯﺍﻧﮓﺀِ ﺯﺍﻧﺶﺀِ ﺑﻬﺘﺮﺀُ ﺑﺎﻧﮏ، ﺀُ ﺩﮔﻪ ﻟﻬﺘﮯ ﻣﺎﮞ ﮐﺎﺭ ﺑﻮﺝ ، ﺳﺮﮐﺎﺭﯼﺀُ ﻣﺮﺩﻣﯽ ﺍﺩﺍﺭﯾﺎﮞ ﮐﺎﺭﺍﯾﻨت. ﺩﮔﻪ ﻟﻬﺘﮯ ﺫﺍﺗﯽﺀُ ﺭﺍﺟﯽ ﻧﻤﯿﺮﺍﻧﯿﮟ ﮐﺎﺭﺍﮞ ﮔﻼﺋﯿﺶ ﺍَﻧﺖ ﮐﻪ ﺗﺎﮞ ﺩﻧﯿﺎ ﻫﺴﺖ ﭘﻨﺎ ﺷﻬﻤﯿﺮﯾﮟ ﺍﺳﺘﺎﺩﺀَ ﺻﺪﻗﻪ ﺟﺎﺭﯼ ﺍﻧﺖ.
ﺍﺳﺘﺎﺩ ﺻﺒﺎ ﺩﺷﺘﯿﺎﺭﯼﺀِ ﺩﻝ ﭘﻪ ﺑﻠﻮﭼﯽ ﻟﺒﺰﺍﻧﮏﺀِ ﺩﯾﻤﺮﻭﯼﺀَ ﭼﻮ ﮐﻮﮌﻩﺀَ ﺭﻭﮐﺖﺀُ ﺩﻟﯽ ﻭﺍﻫﮕﺘﯽ ﮐﻪ ﺑﻠﻮﭼﯽ ﺳﻬﯿﻞﺀِ ﺩﺭﭘﺸﻮﮐﯿﮟ ﺍﺳﺘﺎﺭﺀَ ﻣﺎﮞ ﺍﺩﺑﯽ ﭘﮍﺍ ﺑﻪ ﺩﺭﭘﺸﯿﺖ ﻭﺗﯽ ﺯﻧﺪﮔﯽﺀِ ﺳﺮﺟﻤﯿﮟ ﻣﮉّﯼ، ﻣﺎﻟﯽ ﺑﻪ ﺑﯿﺖ ﮐﻪ ﺟﺎﻧﯽ، ﺫﺍﺗﯽ ﺳﺮﺟﻤﯿﮟ ﻫﺰﺍﺭﺍﮞ ﺩﻟﺪﻭﺳﺘﯿﮟ ﻭﺍﻧﮕﯽ ﭘﻪ ﺑﻠﻮﭺ ﺭﺍﺝﺀِ ﻧﺎﻡﺀَ ﺳﯿﺪ ﻫﺎﺷﻤﯽ ﺭﯾﻔﺮﺍﻧﺲ ﮐﺘﺎﺑﺠﺎﻩﺀَ ﻧﺪﺭ ﮐﺖ ﺍﻧﺖﺀُ ﻣﺎﮞ ﮐﻤُﮑﯿﮟ ﻭﻫﺪﺀَ ﻣﺎﮞ ﺩﻧﯿﺎﯼﺀَ ﻫﺮ ﻭﺍﻧﮕﯽ ﮰ ﺗﻮﺭﯾﮟ ﻫﺮ ﺯﺑﺎﻥﺀَ ﺍﻧﮕﺮﯾﺰﯼ ، ﺗﺎﺯﯼ ( ﻋﺮﺑﯽ) ﭘﺎﺭﺳﯽ ، ﺍﺭﺩﻭ ، ﺑﻠﻮﭼﯽ ﮐﻪ
ﺑﻠﻮﭺ ﺯﺑﺎﻥﺀُ ﺑﻠﻮﭼﺴﺘﺎﻥﺀِ ﺑﺎﺭﻭﺀَ ﺑﻪ ﺑﯿﺖ ﻧﺰّ ﺁﺭﺕﺀُ ﺳﯿﺪ ﻫﺎﺷﻤﯽ ﺭﯾﻔﺮﻧﺲ ﮐﺘﺎﺑﺠﺎﻩﺀِ ﻧﺎﻡﺀَ ﺩﮔﻪ ﺍﺩﺏ ﺩﻭﺳﺘﺎﻧﯽ ﻣﺪﺕﺀَ ﻣﺎﮞ ﻣﻠّﯿﺮﺀَ ﻋﻈﯿﻢ ﺩﻫﻘﺎﻧﯽ ﺩﺍﺗﮕﯿﮟ ﺯﻣﯿﻦﺀِ ﺳﺮﺀَ ﻣﺎﮌﯼ ﺷﻬﻤﯿﺮﯾﮟ ﺍﺳﺘﺎﺩﺀِﺑﺎﺭﻭﺀَ ﭘﺮﺳﯿﮓﺀُ ﺯﺣﻤﺘﺎﻧﯽ ﺷﺎﻫﺪ ﺍﻧﺖ.
ﻣﺎﮞ ﻣﺎﻫﺘﺎﮎ ، ﺳﺎﻟﺘﺎﮎ ، ﻭﻫﺪﺗﺎﮎﺀُ ﺭﻭﺗﺎﮐﺎﻧﯽ ﺗﻮﮎﺀَ ﺑﻠﻮﭼﯽ ﺍﺩﯾﺒﺎﻧﯽ ﻧﺒﺸﺘﺎﻧﮑﺎﮞ ﺷﻨﮓﺀُ ﺷﺎﻧﮓ ﺍﺕ ﺗﻨﺖﺀُ ﭼﻪ ﭘﭧّﺀُ ﭘﻮﻝﮐﻨﻮﮐﺎﻧﯽ ﺩﺯ ﺭﺱﺀَ ﮈﻥّ ﺍﺕ ﺗﻨﺖ ﮔﻮﮞ ﻣﺰﻧﯿﮟ ﻫﯿﺪﺭﯾﭽﯽﺀُ ﺷﭗﺀُ ﺭﻭﭼﯽ ﻣﻬﻨﺘﺎﮞ ﻣﺎﮞ ﺳﮱ ﺑﻼﻫﯿﮟ ﺟﻠﺪﺀَ « ﺑﻠﻮﭼﯽ ﺯﺑﺎﻥﺀُ ﻟﺒﺰﺍﻧﮏ» ﺀِ ﻧﺎﻡﺀَ ﺷﻨﮓ ﮐﺖ ﺍﻧﺖ .
ﺍﺳﺘﺎﺩﺀِ ﻫﯿﺎﻝ ﺍَﺕ ﮐﻪ ﺑﻠﻮﭼﯽﺀَ ﮔﻮﮞ ﺯﻧﺪﮔﯿﮟ ﺭﺍﺟﺎﻧﯽ ﮐﺶﺀِ ﺍﻭﺷﺘﺎﺭﯾﻨﮓﺀَ ﺯﻧﺪﮔﯿﮟ ﭼﯿﺰ “ﺍﻧﺴﺎئیکو پیدﯾﺎ” (دائرة المعارف) ﭘﻪ ﮐﺎﺭ ﺍﻧﺖ ﺍﯾﮯ ﺑﻼﻫﯿﮟ ﮐﺎﺭ ﻣﺰﻧﯿﮟ ﺯﺍﻧﺖ، ﻭﻫﺪ، ﺍﻭﭘﺎﺭﺀُ ﺷﭗﺀُ ﺭﻭﭼﯽ ﺟﻬﺪ ﻟﻮﭦ ﺍﯾﺖ. ﭼﺪﺀُ ﭘﯿﺴﺮ ﻣﺎﮞ ﺳﺮﺟﻤﯿﮞ دﻧﯿﺎﺋﯽﺀَ ﺷﺶ ﻣﺰﻧﯿﮟ ﻧﺎﻣﺪﺍﺭﯾں “ﺍﻧﺴﺎئیکو پیدﯾﺎ” ﺍﮈ ﮐﻨﮓ ﺑﯿﺘﮓ ﭼﻮﮐﻪ : ﺑﺮﯾﺘﺎﻧﯿﮑﺎ، ﺍﻣﺮﯾﮑﺎﻧﺎ، ﻓﺮﺍﻧﺴﯿﺴﮑﺎ، ﻋﺮﺑﯿﮑﺎ، ﺍﺳﻼﻣﯿﮑﺎ، ﺀُ ﺍﯾﺮﺍﻧﯿﮑﺎ، ﺑﻠﻮﭼﯽ ﺯﺑﺎﻥﺀَﺩﻧﯿﺎﺋﮯ ﺩﭘﺘﺮﺍﻧﯽ ﺗﻮﮎﺀَ ﺯﻧﺪﮒ ﮐﻨﮓﺀِ ﻧﯿﺖﺀَ ﺍﺳﺘﺎﺩﺀَ “ﺑﻠﻮﭼﺴﺘﺎﻧﯿﮑﺎ ﺍﻧﺴﺎئی کوپیدﯾﺎ” ( ﺩﺍﯾﺮة ﺍﻟﻤﻌﺎﺭﻑ) ﺀِ ﺟﺎﺭ ﮔﻮﺳﺘﮕﯿﮟ ﺳﺎﻝﺀَ ﺷﻨﮓ ﮐﺘﮓ ﺍﺕﺀُ ﺍﻭﻟﯽ ﺑﻬﺮﺀِ ﮐﺸﮓﺀِ ﭼﻦﺀُ ﻻﻧﭻﺀَ ﺍَﺕ ﮐﻪ ﻣﻠﮑﻤﻮﺕﺀَ ﻣﻮﻩ ﻧﻪ ﺩﺍﺕ.
ﻭﺍﺟﻪ ﺩﺷﺘﯿﺎﺭﯼ ﺀَ ﺑﻠﻮﭼﯽ ﺯﺑﺎﻥﺀِ ﺩﯾﻤﺮﻭﯼﺀِ ﻫﺎﺗﺮﺍ ﮔﯿﺸﺘﺮ ﺗﻬﻨﺎ ﮐﺎﺭ ﮐﺘﮓ، ﺑﻠﮯ ﺁﺋﯽ ﺩﻭ ﺩﯾﻤﯽ ﺍﺟﺘﻤﺎﻋﯽ ﻣﺮﺩﻣﮯ ﻫﻢ ﺑﯿﺘﮓ ﮐﻪ ﭼﻪﺳﯿﺪ ﻫﺎﺷﻤﯽ ﺍﮐﯿﮉﻣﯽ ﺀِ ﺑﻦ ﻫﺸﺖ ﺍﯾﺮﮐﻨﻮﮐﺎﮞ ﺑﯿﺘﮓﺀُ ﺳﯿﺪ ﮔﻨﺞﺀِ ﭼﺎﭖﺀَ ﻣﺰﻧﯿﮟ ﮐﺮﺩﮮ ﺑﯿﺘﮓ.
ﭘﺮﻭﻓﯿﺴﺮ ﻋﺒﺪﺍﻟﻠﻪ ﺟﻤﺎﻟﺪﯾﻨﯽﺀِ ﺩﺯﺑﻨﺪﯼﺀِﭘﺪﺀَ ﻭﺍﺟﻪ ﻋﺒﺪﺍﻟﻮﺍﺣﺪ ﺁﺯﺍﺕ ﺟﻤﺎﻟﺪﯾﻨﯽﺀِ ﻣﺮﺗﮕﯿﮟ ﻣﺎﻫﺘﺎﮎ ﺑﻠﻮﭼﯽﮔﻮﮞ ﻋﺒﺪﺍﻟﻮﺍﺣﺪ ﺑﻨﺪﯾﮓﺀِ ﻣﺪﺕﺀَ ﺩﻭ ﺑﺮ ﺯﻧﺪﮒ ﮐﻨﮓﺀَ ﻣﺰﻧﯿﮟ ﺩﺳﺘﮯﺑﯿﺘﮓ. ﭘﻪ ﺭﯾﻔﺮﺍﻧﺲ ﮐﺘﺎﺑﺠﺎﻩ ﺀُ ﺩﮔﻪ ﺩﮔﻪ ﺍﺩﺑﯽ ﮐﺎﺭﺍﮞ ﮐﺠﺎﻡ ﮐﺠﺎﻡﺟﺎﻫﺎﮞ ﻧﻪ ﺷﺘﮓﺀُ ﭼﻮﻥ ﭼﻮﻧﯿﮟ ﻣﺮﺩﻣﺎﻧﯽ ﭘﺘّﺮﺀِ ﺳﺮﺀَ ﻧﻪ ﻧﺸﺘﮓ. ﺍﮔﻪ ﯾﮑّﮯ ﯾﮏ ﮔﺎﻣﮯ ﺩﯾﻢﺀَ ﺁﺗﮑﮓ ﺻﺒﺎ ﺩه ﮔﺎﻡ ﺩﯾﻤﺘﺮ ﮐﻨﺰﺗﮓﺀُ ﺩﮔﻪﺩﮔﻪ ﺑﺎﺯﯾﻦ ﮐﺎﺭ ﻣﺎﮞ ﻭﺗﯽ ﻧﺒﺸﺘﮕﯿﮟ ﻭﺍﻧﮕﯽ ﺑﮯ ﺗﻮﺍﺭﯼﺀِ ﺩﺭﯾﺎﺀِ ﺑﻠﻮﭼﯽ ﺯﺑﺎﻥﺀِ عاقبتﺀُ ﺩﮔﻪ ﻭﺍﻧﮕﯿﺎﮞ ﻧﺒﺸﺘﮓ ﺍﻧﺖ.
ﻫﺪﺍﻣﺮﺯﯼ ﺯﺭّ ،ﻧﺎﻡﺀُ ﺟﺎﻩﺀُ ﺷﮕﻞ ﺑﺪﻝ ﮐﻨﻮﮐﯿﮟ ﺳﯿﺎﺳﺖ ﺑﺎﺯ ﻟﯿﮉﺭ ﭼﺎﭘﯿﮟ ﻣﺮﺩﻣﮯﻧﻪ ﺑﯿﺘﮓ ﺑﻠﮯ ﺁﺋﯽﺀِ ﮐﺮﺩﺍﺭ ﭼﻪ ﻫﭻ ﺳﯿﺎﺳﯽ ﻟﯿﮉﺭﺀَ ﻫﻢ ﮐﻢ ﻧﻪﺑﯿﺘﮓ. ﭘﻪ ﺑﻠﻮﭺ ﺭﺍﺝﺀِ ﻫﮑّﺎﻧﯽ ﮔﺮﮒ ، ﻫﻨﻮﮔﯿﮟ ﺑﻠﻮﭺ ﮐُﺸﯽﺀِﻫﻼﭖﺀُ ﺑﻠﻮﭼﯽ ﺯﺑﺎﻥ ﺀُ ﺩﻭﺩﺀُ ﺭﺑﯿﺪﮒﺀِ ﭘﺪ ﻣﻨﺘﮕﯽﺀَ ﻫﺮ ﻭﻫﺪ ﺁﻭﺍﺯﭼﺴﺖ ﮐﺘﮓﺀُ ﺁﺋﯽﺀِ ﺷﻬﺎﺩﺕﺀِ ﻣﺴﺘﺮﯾﮟ ﺳﺒﺐ ﻫﻢ ﺳﯿﺎﺳﯽ ﺍﺕ .ﻫﺮ ﮐﺲ ﺯﺍﻧﺖ ﮐﻪ ﺩﮊﻣﻦﺀِ ﮐﺎﺭ ﺗﺎﻭﺍﻥ ﺭﺳﯿﻨﮓ ، ﺑﺪﻧﺎﻡ ﮐﻨﮓ، ﺭﺍﺳﺘﯿﮟ ﺭﺍﻩﺀَ ﺷَﻨﮏ ﺟﻨﮓ ، ﺑﺪﻣﺮﺩﯼﺀُ ﺑﺪﻭﺍﻫﯽ ﺍﻧﺖ ﺑﻠﮯ ﭼﻪﻧﺎﻭﺍﻧﯿﮟ ﺩﻭﺯﻭﺍﻫﺎﮞ ﮔِﻠﮓ ﮐﯿﺖ ﮐﻪ ﺍﺳﺘﺎﺩﺀِ ﺗﭽﮑﯿﮟ ﺭﺍﻫﺎﻧﯽ ﺩﯾﻢﺀَ ﮈﻧﮕﺮﺵ ﺩﺍﺕﺀُ ﺁﺋﯽ ﺍِﺵ ﭘﻪ ﺷﺮّﯼ ﺟﺎﻩ ﻧﯿﺎﺭﺕ ﺻﺒﺎﯼ ﺍﺩﺑﯽ، ﺍﻧﺴﺎﻧﯽﺀُ ﻣﺮﺩﺍﻧﮕﯽ ﮐﺪّﺀُ ﺑﺎﻻﺩ ﻫﻤﯿﻨﭽﻮ ﺑﺮﺯ ﺍﻧﺖ ﮐﻪ ﻭﺍﺟﻪ ﺍﮐﺒﺮﺑﺎﺭﮐﺰﻫﯽﺀِ ﺷﻌﺮ ﯾﺎﺩ ﮐﯿﺖ ﮐﻪ ﺭﻭﭺﺀَ ﮐﺌﮯ ﮐﺸﺖ ﮐﻨﺖ؟ ﻣﺌﮯ ﺩﻝﺀِﻧﻪ ﻣﻦّ ﺍﯾﺖ ﺀُ ﮔﻮﺷﯿﺖ ﮐﻪ ﺗﺎﮞ ﺩﻧﯿﺎ ، ﺑﻠﻮﭼﯽ ﺯﺑﺎﻥ ﺀُ ﺑﻠﻮﭺ ﺭﺍﺝﻫﺴﺖ ، ﺻﺒﺎ ﺯﻧﺪﮒ ﺀُ ﻧﻤﯿﺮﺍﻥ ﺍﻧﺖ .
ﺍﺳﺘﺎﺩ ﺻﺒﺎ ﺩﺷﺘﯿﺎﺭﯼﺀَ 82-1981 ﻣﯿﻼﺩﯼﺀَ ﺑﻠﻮﭼﯽ ﺩﻧﯿﺎﮰ ﺍﺩﺑﯽ ﭘﮍﺍ ﭘﻪ ﻣﺮﺩﺍﻧﮕﯽ ﺩﻭﺭ ﮐﺖﺀُ 29-30 ﺳﺎﻝﺀِ ﺗﻮﮎﺀَ ﻭﺍﺟﻪﺀَ ﺑﺎﺯﯾﮟ ﻭﺍﻧﮕﯽ ﮰ ﭼﺎﭖ ﺀُ ﺷﻨﮓ ﮐﺖﺀُ ﺩﮔﻪ ﺑﺎﺯﯾﮟ ﻭﺍﻧﮕﯽ ﮰ ﭘﻪﭼﺎﭖ ﺀَ ﺟﺮﯾﺪﮒ ﺍﻧﺖﺀُ ﺩﮔﻪ ﻟﻬﺘﮯ ﺍﻧﮕﺖ ﮐﺎﺭ ﻟﻮﭨﯿﺖ ﺩﺍﮞ ﺳﺮﺟﻢ ﺑﻪﺑﻨﺖ .
ﭼﺎﭖ ﺑﯿﺘﮕﯿﮟ ﻭﺍﻧﮕﯿﺎﻧﯽ ﻟﮍ ﮐﻪ ﻣﺌﮯ ﺩﺳﺖﺀَ ﮐﭙﺘﮓ ﺍﻧﺖ ﺍﯾﺶ ﺍﻧﺖ :
1- ﻓﻠﺴﻔﻪ ﺍﺳﻼﻡﺀُ ﯾﻮﻧﺎﻥ
2- ﮔﻠﮑﺎﺭﺀُ ﭼﮑﻦ ﮐﺎﺭ
3- ﻣﻄﺎﻟﻌﻪ ﻓﻠﺴﻔﻪ
4- ﻫﻮﻥﺀُ ﻫﻮﺷﺎﻡ
5- ﺑﻠﻮﭼﯽ ﺯﺑﺎﻥﺀِ ﺁﮐﺒﺖ ﺟﻠﺪ ﺍﻭﻝ
6- ﺑﻠﻮﭼﯽ ﺯﺑﺎﻥ ﺁﮐﺒﺖ ﺟﻠﺪ ﺩﻭﻡ
7- ﮔﻨﮕﺪﺍﻣﯿﮟ ﺳﺮﺯﻣﯿﻦ
8- ﺗﺮﺍﻧﮕﺎﻧﯽ ﺑﻨﺰﻩ
9- ﺑﮯ ﺗﻮﺍﺭﯼﺀِ ﺩﺭﯾﺎ
10- ﻧﻤﺪﯾﺎﻧﯽ ﺩﺭﻭﺕ
11- ﺳﺎﭼﺎﻥ ﺳﻬﺎﺗﻮ
12- ﺑﻠﻮﭼﯽ ﺯﺑﺎﻥﺀُ ﻟﺒﺰﺍﻧﮏ ﺟﻠﺪ ﺍﻭﻝ ، ﺩﻭﻡ ﺀُ ﺳﻮﻡ
ﻣﻦ ﭼﻪ ﺷﻬﻤﯿﺮﯾﻦ ﭘﺮﻭﻓﯿﺴﻮﺭ ﻏﻼﻡ ﺣﺴﯿﻦ ﺻﺒﺎ ﺩﺷﺘﯿﺎﺭﯼ ﺀِ ﭘﺸﭙﺪﺍﮞ ﺳﺮﻭﺭﯾﮟ ﺑﺮﺍﺕ ﻭﺍﺟﻪ ﻏﻼﻡ ﻋﺒﺎﺱ ، ﺑﻮﻫﯿﺮﯾﮟ ﮔﻬﺎﺭ ﺯﺍﺗﮏ ﻭﺍﺟﻪ ﺍﻗﺒﺎﻝ ﺍﯾﮉﻭﮐﯿﭧﺀُ ﺩﮔﻪ ﺍﺩﺑﯽ ﺩﻭﺳﺖﺀُ ﮔﺮﺍﻧﻤﻬﺰﺑﯿﮟ ﺷﺎﮔﺮﺩﺍﻥﺀُ ﺧﺎﺻﯿﮟ ﺻﻮﺭﺕﺀَ ﭼﻪ ﺳﯿﺪ ﻫﺎﺷﻤﯽ ﺭﯾﻔﺮﻧﺲ ﮐﺘﺎﺑﺠﺎﻩﺀِ ﺑﺎﺳﮏﺀُ ﻫﻢ ﭘﮕﺮﺍﮞ ، ﺑﻠﻮﭼﯽﺀِ ﺷﯿﺪﺍﺀُ ﻫﻤﺪﺭﻭﺭﯾﮟ ﺑﺮﺍﺕ ﺀُ ﮔﻬﺎﺭﺍﮞ ﻣﺎﮞ ﺩﻧﯿﺎﯼﺀَ ﻫﺮﺟﺎﻩﺀُ ﻫﺮﮐﺠﺎﻩ ﮐﻪ ﻫﺴﺖ ﺍﻧﺖ ﺩﺯﺑﻨﺪﯼ ﮐﻨﺎﮞ ﮐﻪ ﻫﺪﺍﻣﺮﺯﯼﺀِ ﻣﻮﻝﺀُ ﻣﺮﺍﺩﺀُ ﺩﻟﯽ ﻭﺍﻫﮕﺎﮞ ﺀُ ﮐﭙّﯽﺀُ ﭼﻨﮉﯼ ﺍﯾﮟ ﮐﺎﺭﺍﮞ ﺩﯾﻢﺀَ ﺑﻪ ﺑﺮ ﺍﻧﺖ. ﻧﻪ ﺗﻬﻨﺎ ﺁﺋﯽ ﮰ ﺑﻠﮑﯿﮟ ﺩﺭﺳﺘﯿﻦ ﺩﺳﺖ ﺗﻨﮕﯿﮟ ﺍﺩﯾﺒﺎﻧﯽ ﺗﯿﺎﺭﯾﮟ وﺍﻧﮕﯿﺎﮞ ﻣﺎﮞ ﺍﻭﻟﯽ ﻓﺮﺻﺖﺀَ ﭼﺎﭖﺀُ ﺷﻨﮓ ﺑﻪ ﮐﻦ ﺍﻧﺖ ﺗﻨﮑﻪ ﺁﺋﯽﺀِ ﺭﻭﺡ ﻣﺎﮞ ﭘﺎﮐﯿﮟ ﮔﻠﺒﺎﮒﺀَ ﺷﺎﺕ ﺑﻪ ﺑﯿﺖ. ﺀُ ﺑﻠﻮﭺﺭﺍﺝ ﭼﻨﮯ ﮔﻮﻫﺮ ﮐﯿﻤﺘﯽ ﺍﯾﮟ ﺑﮯ ﻣﭧّﺀُ ﺑﮯ ﺩﺭﻭﺭﯾﮟ ﻭﺍﻧﮕﯿﺎﮞﻓﺎﺋﺪﻩ ﭼﺴﺖ ﺑﮑﻦ ﺍﻧﺖﺀُ ﺷﻤﮯ ﺍﮮ ﺯﻧﺪﮔﯿﮟ ﮔﺎﻡ ﺁﯾﻮﮐﯿﮟ ﻧﺴﻞﺀِﺭﻫﺸﻮﻥ ﺀُ ﻣﺎﮞ ﺭﺍﺟﺪﭘﺘﺮﺀَ ﮔﻮﮞﺳﻬﺮﯾﮟ ﺣﺮﻓﺎﮞ ﻧﺒﯿﺴﮓ ﺑﻨﺖﺀُ ﺗﺎﮞﺩﻧﯿﺎ ﻫﺴﺖ ﻣﺎﻧﺪﮔﺎﺭ ﺑﻨﺖ .
ﺑﻠﻮﭼﺎﻧﯽ ﭼﻢﺀُ ﭼﺮﺍﮒ ﭼﻮ ﺳﻬﯿﻞﺀُ ﺩﺭﭘﺸﻮﮐﯿﮟ ﺍﺳﺘﺎﻝ ﭘﺮﻭﻓﯿﺴﺮﺻﺒﺎ ﺩﺷﺘﯿﺎﺭﯼ ﭘﺎﮐﺴﺘﺎﻥءِ هوﻧﻮﺍﺭﯾﮟ ﺍﯾﺠﻨﺴﯽ و امنیتیﺀِ ﺩﺳﺘﺎﮞ ﺑﮯ ﻣﯿﺎﺭﺀُﺑﮯ ﮔﻨﺎﻩﺀَ ﻣﻮﺭﺧﻪ ﯾﮑﻢ ﺟﻮﻥ 2011 ﻣﯿﻼﺩﯼ ﻫﻤﺪﭖ ﮔﻮﮞ 11ﺧﺮﺩﺍﺩ 1390 ﻩ . ﺵ ﺀُ 28 ﺟﻤﺎﺩﯼ ﺍﻟﺜﺎﻧﯽ 1432 ﻫـ. ﻕﺀَ 58ﺳﺎﻝﺀِ ﻋﻤﺮﺀَ ﻣﺎﮞ ﺷﺎﻝ ( ﮐﻮﺋﯿﭩﻪ) ﺀِ ﻣﺰﻥ ﺷﻬﺪﺭﺑﺮﺟﺎﻩﺀِ ﺩﯾﻢﺀَ ﺷﻬﯿﺪﮐﻨﮓ ﺑﯿﺖﺀُ 2 ﺟﻮﻥ 2011 ﻣﯿﻼﺩﯼﺀَ ﻣﺎﮞ ﻣﯿﻮﻩ ﺷﺎﻩ ﻣﺎﻧﺸﺠﺎﻩﮐﺮﺍﭼﯽﺀَ ﻟﮑّﺎﮞ ﮔﺮﯾﺘﮕﯿﮟ ﭼﻤّﺎﻧﯽ ﺩﯾﻢﺀَ ﻭﺗﯽ ﺍﺑﺪﯼ ﻫﻨﮑﯿﻦ ﺟﻨﺖﺍﻟﻔﺮﺩﻭﺱ ﺀِ ﮔﻠﺒﺎﮒﺀَ ﺭﻫﺎﺩﮒ ﮐﻨﮓ ﺑﯿﺖ. ﺍﻧّﺎ ﻟﻠﻪ ﻭ ﺍﻧّﺎ ﺍﻟﯿﻪﺭﺍﺟﻌﻮﻥ.
الله تعالی واجه دشتیاریءَ وتی ابدمانیں گلباگءَ جاه دیات/آمین
ﺭﻣﺒﺘﮓ ﭘﺮﮐﯿﻨﮓﺀُ ﮐﺴﺘﯿﻦ ﭘﻪ ﻣﻦ ﯾﮏ ﮔﻨﮕﺪﺍﻣﯿﮟ ﻟﺸﮑﺮﮮ
ﻣﻦ ﭼﻪ ﺯﻭﺭﺍﮐﺎﮞ ﺍﮮ ﺭﺍﺝﺀِ ﺯﻫﺘﮕﯿﮟ ﮔﺎﻻﻧﯽ ﺩﭘﺘﺮ ﻟﻮﭨﺘﮓ
ﺳﯿﺪ ﻇﻬﻮﺭ ﺷﺎﻩ ﻫﺎﺷﻤﯽ
چمشانک