شیخ محمد قطب، یکے چه جهان اسلامءِ مزنیں ندکار و زانتکاراں، جمعهءِ روچ(4 جمادی الثانی1435)ءَ ماں 95 سالگیءَ نمنت.
په سنی آنلاینءِ هالکاریءَ نقل چه “مفکرة الاسلام”ءِ سایتءَ، جهان اسلامءِ مزنیں عالم، شیخ محمد قطب، جمعهِ سهب(4 جمادی الثانی 1435)ءَ ماں جدهءِ میانملکی نادراهجاهءَ چه دنیاءَ رکستی کت.
شیخ محمد قطبماں غربءِ پروگراماں علیهءِ اسلامءَ و همے پیمءَ اسلامی دعوتءِ بارهءَ، بازیں کتاب و بیاناتءِ واهندإنت.
واجهءِ بیران بوگ، اسلامی محفل و دیوانانی باز دلپدرد و گمیگ بوت أنت و واجهءِ روگءِ هال ماں اجتماعی شبکه یاں زوت شنگ بوت.
إے مزنیں عالمءِ جنازه ماں مکهءَ نماز وانینگ بوت و ماں جدهءَ دفن کنگ بوت.
شیخ محمد قطب ماں 26 اپریل 1919ءَ ماں “موشا”ءِ شهر، یکے چه مصرءِ اسیوطءِ شهراں پیداگ بوت. بنگیجی وانگانی ماں مصرءِ مکتباں دربرت، رندءَ قاهرهءِ شهدربرجاهءَ شت و گوں انگریزیءِ یادگرگءَ ماں سال 1940ءَ چه إے شهدربرجاهءَ دربروک بوت.
شیخ محمد قطب گوں إشیءَ که یک زیردستیں ندکارے أت، همے پیمءَ یکے چه شهزانتاں و هنوگیں انقلابی سروکان أت.
شیخ محمد قطبءَ گیش چه 30 دانگ کتاب ماں مختلفیں بنگپاں نبشتگ که براهدارتریناں إشنت: جاهلیة القرن العشرین، واقعنا المعاصر،کیف نکتب التاریخ الاسلامی و العلمانیون والاسلام. خدا واجهءِ درجاتءَ ماں جنتءَ برز بکنات و آئیءِ پشپداں صبر و اوپار بدیات.
چمشانک