امنی ءُ عدلیه ءِ ذمهواراں گۆں مردماں مدارا کن انت
شیخالاسلام مولانا عبدالحمید ماں زاهدان ءِ جمعه نماز ءِ دیوان ءَ (8 مهرماه 1401) سلامتوڑێں مچی ءُ زهرشانیان مردمانی حق زانت ءُ هماپێم که زهرذشانی کنۆان شه لس وسایلانی تباه کنگ ءَ مکن ئِے کرت، شه امنی ءُ عدلیه ءِ ذمهواراں هم لۆٹ ات ئِے که گۆں زهرشانی کنۆکان مدارا کن انت.
په سنیآنلاین ءِ سرهال ءَ شیخالاسلام مولانا عبدالحمید درائێنت: من نندۆکی آں که مردم ءُ حاکمے دۆزواه ءُ دلسۆچ آں ءُ بازێں وهد انت که من اے چیز ءَ گوش آں که ملک ءَ را ماں تهے ءُ ڈنے ملکاریاں لهتێں ٹگل په کار انت ءُ اے چیز یک زلورتے. هرچۆن که ما را سرکاری اگدهے نێست، بلێں یک نندۆکے آں ءُ کمتهکم توان آں رهشۆنی ءُ پیشنهاد بده آں. ما گۆں مردماں هور اێں ءُ آوانی مشکل ءُ لۆٹان ءَ شه نزینک ءَ چار اێں.
واجه ءَ گێش کرت: مئے اصلی گپاں که کانودے رد ءَ درشان بوتگ انت اێش انت که اول سر ءَ ڈنے مسائلانی بارو ءَ جێڑهاں دور کنگ بےانت ءُ ما گۆں دنیا ءِ مردماں وشێں رهوت داشته به اێں، پد ءَ مئے ذمهواراں گێشتر ملکی مسائلانَ دلگۆش کن انت. ارمان که مرۆچی زندگی په مردماں ماں ملکے که ٹوهترین پتانسیل ءُ استعداد ءُ هنتکان ءَ دار ایت، باز سک بوتگ.
زاهدان ءِ جمعه ءِ خطیب ءَ په «بنیادی کانودے اجرا» ءُ «مذهبی آزاتی ءُ کانودی آزاتیانی دیگ ءَ» سک سۆگه کرت ءُ گوشت ئِے: هرکساس که مردمان آزاتی داشتگ بےانت ءُ آوانی هبراں اشکنگ بےانت اے په یکویی ءُ ملکی امنیتے سۆب ءَ انت.
چمشانک