اگه یکے شه شما خێرێں کارے کرت، نادارے را کمکِ کرت یا چنکه تومن به مسیت یا وانگجاهے داتِ یا دگه عملے کرتِ، گۆں منت ءُ شان ءَ وتی مزّ ءَ باطل مه کنت.
وهدے اے زر ءُ مال الله ءِ انت که شما را داتگ ئِے، نێکێں کارے توفیق ءَ هم الله دنت، گڑا پچے منت کن ات. اگاں کسے چنکه سال پێسر ءَ نێکی ءِ کرتگ یا کسے را مدت کرتگ ءُ مرۆچی اێشی ءُ آیی دێما شه وتی کار ءَ تعریف کنت یا هما مردمَے سرا منّت کنت که من آ رۆچ ءَ تهی حقے تها فلان خُبی ءَ کرت یا فلان چیز ءَ ترا داتگ آں، آیی عملے مزّ باطل بیت.
پرےواست ءَ منی درّێں گۆشدارۆکاں جهد کن ات که کارانَ په الله ءِ وشنودی ءَ کن ات، وهدے که شما را توفیقَ رس ایت که نێکێں کارے کن ات، الله ءِ شکر ءَ ادا کن ات. وتی نێکیانَ که په دگران کرتگ ات بےهیال کن ات، بلێں وتی بدیانی هیال ءَ بَه ات ءُ توبه کن ات تاں شما را نێکێں کارے توفیق رس ایت.
چمشانک