اپسوز اِنت که ماں ایران ءَ اهلسنتان یکے نه اَنت، هرکس په وت هبرے دنت ۆ چیزے گوش اِیت ۆ کارے کنت، بلێں بروردے نه داریت.
مقصد اێش اِنت که من ۆ شما ماں تیوگێں ایران ءَ گوں وت یکے بَےاێں، شه وتی درد ۆ پرێشانیان سهی بَےاێں، اگه احتیاجی ۆ لۆٹے دارێں مشمے توار یکے بیت، هر توارے که شه بلوچستان ءَ چستَ بیت باید شه خراسان ءَ هم چست بیت، هر توارے که شه خراسان ءَ چست بیت باید شه کردستان ءَ هم چست بیت ۆ ایران ءِ اهلسنتان گوں وت یکے بَےاَنت.
په من ۆ شما معلوم اِنت که تاں وهدے وتی گموار مه بَےاێں دگه کسے مئے گموار ءَ نه بیت. ما کوشست کن اێں وتی حق ءَ شه دولت ءَ گر اێں، حق دیگی نه اِنت، گرگی اِنت. باید به وتی حق ءَ رس اێں هما حق ءِ که الله ءَ ما را داتگ، حق ءِ که انقلاب ءِ اولا، مزن رهشون ءَ ما را وعده دات ات که شیعه ۆ سنیانِ نیام ءَ هچ دگری ئے نێست ۆ په کار ۆ مقام ءِ دیگ ءَ آوان مذهب برابر اَنت. ما لۆٹێں که اے هبرے سرا عمل بیت.
چمشانک