مروچی : 16 اسفند , 1399

مولانا عبدالحمیدِ چکّاسگ/ انتقاد شه ملکے ذمه‌واران کرونا ویکسن باروا

مولانا عبدالحمیدِ چکّاسگ/ انتقاد شه ملکے ذمه‌واران کرونا ویکسن باروا

سنی‌آنلاین| شیخ‌الاسلام مولانا عبدالحمید ماں زاهدان جمعه نمازے دیوانا (15 اسفند 1399/ 5 مارس 2021) گوں اێشی که «مردمان سلامتی شه هر چیزے پێش‌تر اِنت»، شه ذمه‌واران انتقاد کرت که پچے په ملکے مردمان ویکسنَ نیار اَنت ۆ شه ذمه‌واران لۆٹ اتِ که ملکے هنتکانان ءَ په درملکے مردمان هرچ مه کن اَنت، بلکه په ملکے مردمانِ سلامتی ۆ ایرانے استمانے رۆزیگے مشکلان هرچ کن اَنت.

په زاهدانِ اهل‌سنتے جمعه‌وے پیشنمازے کارگسے هال‌رسانی‌ئے بنجاهے سرهالا، شیخ‌الاسلام مولانا عبدالحمید درشان کرت: هالان تها آت ات که ماں یکے شه اهواز شهرے نادراهجاهان کرونا هنچو شدید بوته که نێمے شه ناجۆڑان بێران بوتگ اَنت. من وهدے که اے هبرا اُشکت جسکت اۆں ۆ دلسیاه بوت اۆں که پچے ایرانے مردم؛ ملکے که هِنکه هنتکان ۆ امکانات داریت چشێں بدێں جاورے داشته به‌ینت؟!

زاهدان جمعه ئے پێشنمازا گێش کرت: پچے ملکے ذمه‌واران ابید شه کمّێنے، ویکسنے را اے رۆچان ماں دنیا ءَ په کرونا ءَ کارمرزَ بیت، مکے تها نیار اَنت؟ ماں حالےکه استمانے سلامتی شه هر چیزے پێش‌تر اِنت ۆ شه هر چیزے که ذمه‌واران گمانَ کن اَنت، هژدری اِنت. مردمان سلامتی حتی شه هێلکاری ۆ وانێنگی ءَ هم هژدری اِنت.

واجه‌ئا درشان کرت: ماں بازێں ملکے که آوانِ مردم شه مئے ملکے مردمان گێشتر اَنت، بازێں مردمے ویکسن جنَگَ به‌ینت، بلێں افسوز اِنت که مئے دولتا اے باروا مهمێں کارے نه کرته. ماں سیستان ۆ بلوچستان ءَ که انگت سۆجے نه اِنت هرچۆن که اے استان دور کپتگ ۆ بےهیال بوتگێں استانے که اگه ویکسنے هم بَیت بنجاهے مزنێں واجه‌کاران آیرا کارمرزَ کن اَنت، بلێں مئے لۆٹ شه ذمه‌واران اێش اِنت که گرد استان ۆ مردمانِ پکرا به‌ینت.

مولانا عبدالحمید گوَشت: مرۆچی مئے جاور آنکس وش نه اِنت که ملکے هنتکانانَ په دگه ملکان ۆ استمانان هرچ کنێں، مئے ملکے زرّے ارزشت باز جهل آته ۆ مئے جاور بد اِنت، پرێشی باید دگران ما را مَدَت کن اَنت.

واجه‌ئا درّائێنت: ذمه‌واران نون دگه جاهانِ پکرا مه به‌ینت، بلکه په وتی ملکے استمانا پکرے زور اَنت که گوں گشنگی ۆ بےکاری ءَ آماچ انت. بازێن سرهالے مئے کرّا هست که لهتێں مردم نانے زرّا نه دارنت ۆ شه نان‌پچان نان وامَ کن اَنت. ذمه‌واران باید رهبندے درگێج اَنت که شِد ۆ گێش مردمان گوں سکّیان آماچ مه به‌ینت.

🔸زاهدان جمعه ئے اماما وتی هبران گڈسرا په امنیتے ساتگ ءَ تأکید کرت ۆ گوشته: امنیت هم چۆ سلامتی ءَ هژدری اِنت، هما رنگ که قرآنے تها بهشتیان باروا آته: «أدخلوها بسلام آمنین»؛ شه سلامتیا پد امنیتے داد باز هژدری انت.

مولانا عبدالحمید درشان کرت: سیستان ۆ بلوچستانے امنیت باز هژدری اِنت. منی لۆٹ شه استانے مردمان اێش اِنت که امنیت ءَ سات اَنت، پچے که ناامنی په تیوگان نقصان داریت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *