شیخالاسلام مولانا عبدالحمید ماں بیانیه ئے تێلبران تیر کنگ ءَ را ماں سراوان سیمسر ءَ که سبب بوت بازێنے شه تێلبران شهید ۆ ٹپی به ینت، سکّ اێر جت ۆ آیرا شرع و قانون ءِ هلاپا زانته.
په زاهدانِ اهلسنتے جمعهوے پیشنمازے کارگسے هالرسانیئے بنجاهے سرهالا واجه ئے بیان اے وڑا اِنت:
بسماللهالرحمنالرحیم
شه پێشامدے که ماں سراوانے سیمسر ءَ کپت که دولتی واکان تیرگواری سبب بوت بازێنے شه مئے هم استانیان شهید ۆ ٹپی به بنت، سک دلپدرد بوتێن.
افسوز اِنت که مئے استانے مردمان گوں بازێں معیشتی ۆ روزیگی اێں سکّیان آماچ اَنت، ۆ گوں سکیان زند گوازێن اَنت. شه اۆدا که مئی استانا بازێں کٹکارے نێست، استانَے بازیں مردمے شه لاچاریا گوں تێلے کار ۆ بارا گُلائیش اَنت. تێلبری جرم ۆ شپُکّی/ قاچاقے نه اِنت؛ آوان په وتی گسےمردمان چنڈے نان جدۆهلَّ کن اَنت ۆ هزاران خاندان شه همے راها زندگیَ کن اَنت. البت نظامی ۆ انتظامی واکان شه سلاه ۆ نشه ای موادانِ شپکّی ءَ دێمگری کن اَنت.
مزن رهشۆن ءَ هم گوشت اَت: «منی مراد شه شپکی ئے دێمگری ءَ، آ بےوسێں بلوچستانے بَڈبر ۆ تێلبر نه اَنت؛ آوان باز هژدری نه اَنت، اگه شه آوان دێمگری مه بیت هم پروای نه اِنت.»
دولتان باید په مردمان معیشت ءَ رهبند درگێج اَنت تاں آوان لاچار مه بینت گوں اێرگێں خطرناکێن کاران گلائیش به ینت. بےشک اے سیمسر همے مردمان اِنت ۆ آیی سۆب هم باید به همے بےوسێن مردمان رسیت، نه آوان که گوں تێلے مزنێن باپاری ءَ میلیاردی سۆبَ کن اَنت.
من اے جنایت ءَ که شرع ۆ قانونے هلاپا اِنت په ترندی اێرجنین ۆ شه ذمهواران لوٹین که هرچه زوتر اے دردناکێں پێشامدے کنۆک به وتی مُزّا رسێنگ بینت.
گڈسرا گوں همدردی گوں شهیدان پُشپدان، شه درّێں ۆ غم دیستگێں مردمان لوٹوکیں که وتی اشکام ۆ آرامشَے ھیالداریا به کن اَنت و شه کانودَے رھبندا وتی شکایتاں رند گیری به کن اَنت.
📝 (مولانا) عبدالحمید
زاهدان اهلسنتان جمعه ئے امام
چمشانک