چهبارِ زانتدربر ؤ کالجیانی پجّاروکائی دیوان دوشی (21 آبان95) مَں چهبارِ دینی دربرجاه جامعة الحرمین الشریفینا برجم دارگ دارگ.
په سنیآنلاینِ هالا نقل چه شریعت آنلاینا، مَں اِے دیوانا که گوں جامعة الحرمینِ دانشجویی امورِ همکوپگیا برجم دارگ بوت، واجه شیخالحدیث مولانا عبدالرحمن چهباری، دینی مدرسه ؤ دانشگاهانی استاد، چهبارِ شهرِ شورا ؤ همے پیم بازیں طالب ؤ دانشجویے حاضر اَت.
اِے دیوان گوں حافظ اهلالله ملازهیِ تلاوتا بنگیج بوت. دیما واجه میلاد دهواریا نبشتانکے په “مسلمانانی علم ؤ زانتِ برزیں جاه مَں گوستگیں دورا” وانت.
دیما مهندس ارسلان دژکام چهبارِ دریانوردی دانشگاهِ استادا ؤ واجه شیخ الحدیث مولانا عبدالرحمانا گپ کرت.
سرودِ پیش کنگ ؤ نوکیں دانشجویانا تجلیل کنگ اِے دیوانِ دگه بهر اِتنت.
اِے دیوان گوں واجه مولانا عبدالرحمنِ دعایا تمام بوت.
چمشانک