مروچی :یکشنبه, ۱۳ اسفند , ۱۴۰۲
شیخ‌الاسلام مولانا عبدالحمید:

سیاستاں وڑے گچێن بوتگ انت که ملک سستێن کارمسترانی دست ءَ بیت

سیاستاں وڑے گچێن بوتگ انت که ملک سستێن کارمسترانی دست ءَ بیت

شیخ‌الاسلام مولانا عبدالحمید، ماں زاهدان ءِ جمعه نماز ءِ دیوان ءَ (۱۹ اسفند ۱۴۰۱/10 مارس 2023)، دوارگ سکّ سۆگه کرت که ایران ءِ مردمانی سۆباں شه هر چیزے دێمتر انت ءُ ملک ءِ رۆزیگی جاور ءِ سببان شه سستێن کارمسترانی سرے چێر ءَ زانت ئِے.

په سنی‌آنلاین ءِ سرهال ءَ شیخ‌الاسلام مولانا عبدالحمید درشان کرت: مئے باور اێش انت که مئے گڑتیاں نه بائد تهنا په اے ملک ءَ بےانت، بلکه ما بائد په تیوگێن دنیا ءَ گڑتی کن اێں که په دنیا ءَ چے بکن اێں ءُ اگه کارے شه مئے دست ءَ نه بیت گڑا بس دعا کن اێں. ما که ماں یک ملک ءِ زند گوازێن اێں ما را بازێں هوارێں چیز هست ءُ گۆں دنیا ءِ مردماں هم همدردی ءُ براسی ءِ مارشت کن اێں. گۆں تیوگێں ایران ءِ مردماں وطنی ءُ اسلامی براسی دار اێں. پمێشا مئے مهمترێں چیز ملکی سۆب انت. ما په تیوگێں ایرانیانی امنیت، آزاتی ءُ آمید ءِ اجرا ءَ گڑتی دار اێں.

واجه ءَ زهرشانیانی سببان شه سستێن کارمسترانی سرے چێر ءَ زانت ءُ گوشت ئِے: پچے اے استمان گۆں رۆزیگی مشکلاں آماچ انت ءُ سکیان سگ انت؟ پچے اے ملک گۆں دگه ملکاں کوپگ ماں کوپگ مه بیت؟ بندری گڑتیاں سستیں کارمسترانی بابت ءَ انت ءُ پمێشا مردماں شه ملک ءِ وڑوڑێں کنڈاں توار چست کن انت. اے باروا بائد چارگے بیت.

🔹تاں ملکے تها پوره ئێں آزاتی مه بیت مشکلاں جۆڑ نه بےانت

زاهدان ءِ آدێنگ ءِ امام ءَ ٹکاٹک گوشت: سیاستاں وڑے گچێن بوتگ انت که ملک سستێں کارمسترانی دست ءَ کپیت. اے بن‌گپ بائد دلگۆش بیت. بائد آ سیاستاں که ملک ءَ را سست کرتگ ءُ به اے رۆچ ءَ رسێنتگ شۆهاز بےانت. ماں اے ملک ءَ وسی ءُ لائک ءُ کارزانتێن کارمستر هست که توان انت ملک ءَ تکانے دےانت. اگاں سستێن کارمسترانی بدل ءَ وسی ئێں کارمستراں کارگرگ بوتێن انت اے گڑتی پێش نه یهت انت.

واجه ءَ گوشت: تهے ءُ درے ملکاریاں که تاں نون کار گرگ بوتگ انت، بےپکار بوتگ انت. ما مدام اێشرا جار جتگ. بائد ڈیهی، راجی، مذهبی، اقلیت، جنێنان ءُ وڑوڑێن پاٹیانی حقاں کمار بےانت. تاں اے حقاں دلگۆش مه بےانت اے مشکلاں جۆڑ نه بےانت.

مولانا عبدالحمید دێمتر ءَ گوشت: هونێن جمعه ءِ پێشامد هم رندگیری بوتگ. اے باروا کار هم بوتگ بلێن انگت بس نه انت، مئے باور همێش انت که بائد پهکێن حقاں کمار بےانت ءُ پهکاں گۆں آمید ءَ چار انت. اگاں الله لۆٹ ایت اے حقاں آیۆک ءَ رندگیری بےانت.

🔹بازێنے شه جنێنانَ انچێن وس ءُ تک هست که مردێنان نێست/ زانتی پڑانی تها بائد په جنێناں رهبند درگێجگ بیت

زاهدان ءِ آدێنگ ءِ امام ءَ جنێنانی حقانی باروا درشان کرت: من چنکه گالرد جنێنانی باروا گوش آں. ما بائد مرۆچی دنیا ءِ جاورا گند اێں. جائے که اسلامی حکومت هست ءُ په دین ءِ نام ءَ آتگ بائد دنیا ءَ چار انت که دنیا کجا رستگ ءُ په جنێناں چه رهبند دار انت ءُ مرۆچی جنێناں ماں زانتی ءُ چاگردی پڑاں چه دێمروی ءِ داشتگ اش. همارنگ که انسان کائنات ءِ دل انت، جنێناں هم انسان ءُ دنیا ءِ دل انت ءُ هما حق ءُ حرمتے را که مرد دار انت جنێن هم دار انت. اے دۆئێناں ماں حقاں برابر انت.

واجه ءَ گێش کرت: اگاں لۆٹ اێں ماں نونێن جاور ءَ اسلام ءَ جائے پێش دار اێں بائد اے چیزان دلگۆش کن اێں. هچ دینے، هاس اسلام ءِ دین ءَ جنێنانی وانگ ءَ را مکن نه کرتگ ءُ هچ پاگپے مه قرآن ءَ نێست که جنێنان شه وانگ مکن کنت یا جنێن ءُ مردێنے میانجین ءَ اے باروا دگری زانت. همے وت مۆکلے که جنێناں بائد ماں زانتی پڑاں دێمروی کن انت.

🔹ورنائانی گپاں بائدگۆش دارگ بےانت

مولانا عبدالحمید ورنائانی حقانی باروا درشان کرت: ورنائان سک سات ات که باز هژدری انت. ماں بازێن چاگردے ورنائان انت که آوان آیۆکے امێت هست. گۆں اے ورنائاں نبائد بدێن رپتار بیت. بائد ورنائانی حرمت دارگ بیت ءُ مزنێن جاگه ءِ ماں چاگرد ءَ داشته بےانت. بائد ورنائانی گپاں گۆش دارگ بےانت ءُ حرمت اش ساتگ بیت. دنیا په ورنائانی دێمروی ءَ رهبند درگێج ایت. بائد حکومتاں په پهکانی دێمروی ءَ رهبند داشته بےانت.

🔹مئے ڈیه ءِ سجلی مشکلاں باز باز انت

شیخ‌الاسلام مولانا عبدالحمید گۆں اشاره به بےسجلێں مردمانی مشکلاں ماں استان ءَ گوشت: یکے شه اے استان ءِ مزنێن مشکلاں سجلی مشکل انت. بازێنے شه اے مردماں که همدا ودی بوتگ ءُ پس ءُ پیرُکان اش همدا زند گوازێنتگ ءُ په همے ملک ءِ پهازگ ءَ جنگ اش کرت، انگت سجل نه دار انت. اے مردماں باز جهد کرتگ ءُ لهتێنے سجل گپتگ ءُ لهتێنے انگت بےسجل انت.

واجه ءَ گوشت: مئے ڈیه ءِ سجلی مشکل باز انت، نه بائد هرکس که سجل ندار ایت گوشگ بیت ایرانی ءِ نه انت. اگاں کسے همسایگێن ملکانی مردم بیت پد ءَ که ملکے مشکل ئِے جۆڑ بےانت، په وتی ملک ءَ برگرد ایت.

🔹طالباں سیستان ءِ آپے مشکل ءَ جۆڑ کن انت

زاهدان ءِ آدێنگ ءِ امام ءَ گوشت: سیستان ءِ بےآپی ٹوهێن مشکلے انت. سیستان ٹوهێن بهرے شه مئے استان ءَ انت، بلێن ارمان که بے آپ ءَ هچ جائے نه بیت که زندگی کن اێں. اگاں ماں سیستان ءَ آپ مه بیت مالداری ءُ کشار هم نه بیت. سیستان ءِ مردماں شه بےآپی ءُ لوڑاں سک دلسیاه انت. ما پهکان بائد سیستان ءِ پکر ءَ به اێں ءُ نه بائد سیستان ءَ بےهیال کن اێں. بائد سیستان ءِ آپے بن‌گپ جۆڑ بیت.

واجه ءَ گوشت: من دوارگ شه طالبانی کارمستران لۆٹ آں که سیستان ءِ آپے بن‌گپ ءَ جۆڑ کن انت. اگه آپ کم انت هما کمێن آپ هم بهر بیت، سیستان ءِ مردماں هم شه اے کۆر ءَ حق دار انت. امێتوار اێں اے مشکل گۆں سرکار ءُ مردمانی جهداں جۆڑ بیت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *