مروچی : 6 بهمن , 1400
مولانا عبدالعزیز رحمه‌الله:

الله ءِ داد ءُ نعمتاں په جوانی کارمرز کن ات

الله ءِ داد ءُ نعمتاں په جوانی کارمرز کن ات

الله پاک ءَ دنیا ءُ آیی دادان ءَ په شما جۆڑ کرتگ ءُ شما را په آخرت ءَ جۆڑ ئِے کرتگ. باید شه دنیا ءِ نعمتاں په جوانی کارمرز کن ات. اگه کسے الله ءِ نعمتان ءَ چۆ جان‌دراهی، ایمان، مال، مقام، توان، عزت ءُ دنیا ءِ تیوگێں راحتیان ءَ الله ءِ حکمانی خلاف ءَ کارمرز کنت، آ ناشکرێں بندگے.

الله پاک ءَ زهم ءُ تپنگان ءَ جۆڑ کرتگ تاں په انسانان ءُ سیمسرانی پَهازَگ ءَ کارمرز بےانت، نه په مسلمانێں براسے کشگ ءَ.

اے توان ءُ عزت ءُ راج ءُ سیادانی داتگ تاں په الله ءِ رضا ءُ مردماں کار کن ات، نه که گۆں اے داداں وترا خدا زان ات ءُ مردمانی زر ءُ ڈگاران ءَ واهندی کن ات یا اگه کسے شمئے سلام ءِ پسو ءَ نه دات، آیرا بندیگ کن ات.

بلکه شما گۆں اے مقام ءُ عزت ءَ مسلمانی ءَ شنگ کن ات، شه جان‌دراهی ءُ مالے نعمت ءُ تیوگێں نعمتاں په جوانی کارمرز کن ات، وت ءَ اے نعمتانی تها زیان مه کن ات، مرکے یات ءَ بَه ات ءُ الله ءِ شکر ءَ کن ات.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *