مروچی : 27 تیر , 1400

مولانا عبدالرحیم گمشادزهی، دارالعلوم زاهدان ءِ پێسرێن استاد ۆ اهل‌سنت ءِ وسی‌ئێن گوشنده بێران بوت

مولانا عبدالرحیم گمشادزهی، دارالعلوم زاهدان ءِ پێسرێن استاد ۆ اهل‌سنت ءِ وسی‌ئێن گوشنده بێران بوت

سنی‌آنلاین| مولانا عبدالرحیم گمشادزهی، دارالعلوم زاهدان ءِ پێسرێن استاد ۆ اهل‌سنت ءِ وسی‌ئێن گوشنده، مرۆچی یکشمبی ءَ (۲۷ تیرماه ۱۴۰۰) ماں ۵۲ سالگی ءَ په ناجوڑی‌ئے سوَبا بێران بوت.

🔹 په سنی‌آنلاین سرهالا، مولانا عبدالرحیم گمشادزهی ماں سال 1348 ءَ «چمّگ» ءِ «رحیم‌آبادِ» هلک ءَ ودی بوت.

🔹آ خدابیامرز ماں سال ۱۳۵۶ ءَ په سبکّ ءَ به دارالعلوم زاهدان ءَ آت، وهدےکه بنگێجی درسانَ پوره‌ی کرت، دینی سبکّان ماں اے اهل‌سنت ءِ علمی ۆ هێلکاری بنجاه ءَ بنگێجِ کرت.

🔹مولانا عبدالرحیم ماں دارالعلوم زاهدان شه زبردستێن پاگواجهانِ محضر ءَ په درور شیخ‌الاسلام مولانا عبدالحمید، مفتی خدانظر رحمه‌الله، مفتی محمدقاسم قاسمی، مولانا عبدالملک ملازاده رحمه‌الله، مولانا عبدالرحمان محبّی ۆ مولانا نذیراحمد سلامی ءَ علمی ۆ معنوی‌ئێن بهر زۆرت ۆ ماں سال ۱۳۶۸ ءَ سبکّ ءَ را حلاصِ کرت ۆ شه هما ائولی‌ئێن رمب ءَ اَت که هِدا سبکّ ءَ را هلاس اِش کرت ۆ لنگۆٹه سرےاِش اێر کنگ بوت.

🔹مولانا گمشادزهی ءِ بازێن استعداد سوَب بوت اَت که ماں سبکّ ءِ آخری سالا (دوره حدیث) ءَ، جهلگ ءِ کلاسانِ کتابانَ سبکّ دنت.

وختےکه آیی انگت سبکّ ءَ ونت، لهتێن اجرای‌ئێن اگدهانَ په درور دارالعلوم زاهدان وانگِس ءِ مدیریت، برنامه‌ریزی په جمعه‌نماز، ائیدنماز ۆ ختم بخاری ئے مراگشان همایی بڈءَ ات انت. همےپێم آ شه وسی ۆ با استعدادێن گوشندهان مرتگ ءَ بوت.

🔹مولانا گمشادزهی پد شه اێشی که سبکّ ءَ را حلاصِ کرت، وانێنۆکی ئے کِنکّ ءَ دارالعلوم زاهدانِ وانگِس ءِ اگده هم گۆں همایی اَت که سبب بوت وانگس دێمروی کنت. آیی همےپێم شه دارالعلوم زاهدان تندجاه ءِ بن‌هشت اێرکنۆکان انت.

🔹 مولانا عبدالرحیم گمشادزهی، گێش شه دینی سبکّ ءَ، ماں مزن شهدربرجاه ءَ هم درسِ ونت اَت ۆ ماں فقه ۆ اسلامی حقوق ءِ رشته ءَ شه سیستان ۆ بلۆچستانے زانتجاه ءَ مدرک کارشناسی ارشدِ گپت ات.

اللَّهُمَّ اغْفِرْ لَهُ وَارْحَمْهُ وَعَافِهِ وَاعْفُ عَنْهُ وَأَكْرِمْ نُزُلَهُ وَوَسِّعْ مُدْخَلَهُ وَاغْسِلْهُ بِالْمَاءِ وَالثَّلْجِ وَالْبَرَدِ وَنَقِّهِ مِنَ الْخَطَايَا كَمَا نَقَّيْتَ الثَّوْبَ الأَبْيَضَ


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *