مروچی : 12 خرداد , 1400

پنجگور: مروچی ھپتمی روچ ءَ پوجی لشکر کشی برجاہ، مھلوک پہ وردنی ءَ جیڑہ

پنجگور: مروچی ھپتمی روچ ءَ پوجی لشکر کشی برجاہ، مھلوک پہ وردنی ءَ جیڑہ

سر بیتگیں ھالانی رد ءَ بلوچستان ءِ دمگ پنجگور کیلکور ءَ مروچی ھپتمی روچ ءَ پوجی لشکر کشی برجاہ ءُ دمگ ءَ دامگی ھالانی گرگ مزنیں جنجالانی دیمپان اَنت.

دمگی مردماں ٹی بی پی ءَ گوں گپ کنان ءَ گوشتگ کہ مروچی ھپت روچ اِنت دمگ ءَ پاکستانی پوج مانرتکگ ءُ لشکر کشی کنگ ءَ اِنت.

آیانی گوشگ اِنت کہ دمگ ءِ مھلوک پوج ءَ لوگانی تہ ءَ بند کرتگ ءُ ھچ جاہ ءَ روگ ءَ نیلگ ءَ اِنت ءُ چریشی ءِ سبب ءَ دمگ ءَ کسان کسانیں زھگاں ھوار مھلوک پہ وردنی ءَ مزنیں جنجالانی دیمپان اَنت.

لشکر کشی کیلکور ءِ دمگ مادگ بیگ ءَ اِنت کہ اود ءَ پوج ءَ جکی ءَ بھار ءُ دو شمبے ءِ لوگ ھپت روچ اِنت پوج ءِ انگیر ءَ اَنت اود ءَ لس زھگ شُد ءِ دیمپانی آماچ بیان اَنت.

دمگی مردمانی گوشگ اِنت اگاں پوجی لشکر کشی گیش برجاہ بیت گڑا اود ءَ بازیں زھگے پہ شُد زورال بیت کُت کنت.

زانگ بہ بیت گوستگیں روچاں ھمے دمگ ءَ پوجی لشکر کشی ءِ میان ءَ پوج ءِ تیرگواری ءَ دو مردم بیران بیتگ اَنت ءُ ھردوکیں مردمانی جون پنجگور ءَ برگ بیتگ اَنت.

سرچمگ: دی بلوچستان پوسٹ


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *